დიკლორონი

გამოიყენება კუნთში შეყვანის გზით.

სტერილური

ეფექტური ნივთიერება: ყოველი 3 მლ-იანი (მთლიანი მოცულობა) საინიექციო ხსნარი შეიცავს 75 მგ. დიკლოფენაკ ნატრიუმს.

დამხმარე ნივთიერებები: მამიტოლი, ნატრიუმ მეტაბილსულფიტი, ბენზილის სპირტი, პროპილენ გლიკოლი, ნატრიუმ ჰიდროქსისი, გამხოდილი წყალი.

Dikloron 75 მგ./3 მლ. წარმოადგენს ეფექტურ ნივთიერებას - დიკლოფენაკ ნატრიუმს, შეიცავს საინექციო ხსნარს და წარმოდგენილია ამპულების სახით.
Dikloron შედის ტკივილების და ანთების მკურნალობის დროს გამოსაყენებელი „არა სტეროიდული ანთების საწინააღმდეგო პრეპარატების“ (NSAİİ-ები) ჯგუფში.
ყოველ კოლოფში მოთავსებულია 4, 10 ან 100 ცალი 3 მილილიტრიანი ამპულა.

კუნთში შესაყვანი Dikloron გამოიყენება ქვემოთ აღნიშნული დაავადებების დროს:

კალციფიკაცია (ოსტეოართრიტი), სახსრების ტკივილი და დეფორმაცია (რევმატოიდული ართრიტი) და მტკივნეული პროგრესირებადი რევმატიზმი (ანკილოზური სპონდილიტი) ნიშნები და სიმპტომები, ზურგის, კისრისა და ნეკნების სახსრებში და მწვავე პოდაგრასთან დაკავშირებული სახსრების ანთება, მწვავე პოდაგრის ართრიტი), ძვლოვანი სისტემის ტკივილი, პოსტოპერაციული ტკივილი (პოსტოპერაციული ტკივილი) და მტკივნეული მენსტრუაცია (დისმენორეა).

თუ თქვენ გაქვთ შეკითხვები Dikloron -ის ეფექტის შესახებ, მიმართეთ თქვენს მკურნალ ექიმს.

Dikloron-ის მოხმარებამდე დასაცავი წესები
ყურადღებით დაიცავით თქვენი ექიმის ყველა რჩევა. ეს ინფორმაცია შეიძლება განსხვავდებოდეს წინამდებარე მოხმარების ინსტრუქციაში აღნიშნული ზოგადი ინფორმაციისგან.

ქვემოთ აღნიშნულ შემთხვევებში Dikloron -ის მოხმარება დაუშვებელია:
თუ ხართ ალერგიული დიკლოფენაკზე, ნატრიუმ მეტაბისულფიტზე ან DICLORON -ის რომელიმე სხვა ინგრედიენტზე, რომელიც აღნიშნულია წინამდებარე მოხმარების ინსტრუქციის დასაწყისში,
თუ თქვენ გაქვთ ალერგიის ნიშნები და სიმპტომები მედიკამენტების მიღების შემდეგ, რომლებიც ადრე გამოიყენებოდა ანთების ან ტკივილის სამკურნალოდ (მაგ. აცეტილსალიცილის მჟავა/ასპირინი, დიკლოფენაკი ან იბუპროფენი). ეს შეიძლება იყოს ასთმა (ქოშინი ფილტვებში სასუნთქი გზების შევიწროების გამო, ხველა, ხიხინი), ცხვირიდან გამონაყარი, კანის გამონაყარი, სახის შეშუპება. ცნობილია, რომ ამ პაციენტებში ენის მძიმე, იშვიათად ფატალური შეშუპება, რომელსაც ეწოდება ანაფილაქსია, ქოშინი, დაბალი წნევა და კანის გამონაყარი, შეიძლება თან ახლდეს "არასტეროიდული ანთების საწინააღმდეგო საშუალებები" (NSAIDs). ალერგიაზე ეჭვის წარმოქმნის შემთხვევაში, რჩევისთვის მიმართეთ თქვენს მკურნალ ექიმს.
თუ ჩატარებული გაქვთ კორონარული არტერიის ოპერაცია (როგორიცაა გულ-სისხლძარღვთა ოპერაცია, შემოვლითი ოპერაცია), წინა, ინტრა და პოსტოპერაციული ტკივილის სამკურნალოდ,
თუ გაქვთ კუჭის ან ნაწლავის წყლული (ჭრილობა).
თუ სულ მცირე ორჯერ გქონდათ კუჭის ან ნაწლავის წყლული ან სისხლდენა.
თუ გაქვთ თირკმლის ან ღვიძლის მძიმე დაავადება,
თუ გაქვთ გულის უკმარისობა.
თუ ხართ ორსულობის ბოლო სამ თვიან პერიოდში.

ქვემოაღნიშნულ შემთხვევებში Dikloron-ის მიღების დროს უნდა გამოიჩინოთ ყურადღება:
დიკლოფენაკით მკურნალობა დაწყებული უნდა იქნეს გულ-სისხლძარღვთა სისტემის დაავადებების მნიშვნელოვანი რისკ-ფაქტორების (მაგ. არტერიული წნევა, ცხიმის არანორმალურად მაღალი დონე (ქოლესტერინი, ტრიგლიცერიდები) სისხლში, დიაბეტი, მოწევა და ა.შ.) მქონე პაციენტების მიერ და მკურნალობა დაწყებული უნდა იქნეს შეფასების შემდეგ. ეს რისკი იზრდება განსაკუთრებით მაღალი დოზის (დღეში 150 მგ.) და ხანგრძლივი დროის განმავლობაში გამოყენების დროს. ამიტომ, დიკლოფენაკი შეძლებისდაგვარად მოხმარებული უნდა იქნეს ხანმოკლე ვადით და ყველაზე დაბალი დოზით. დიკლოფენაკის მკურნალობისას უპირატესობა უნდა მიენიჭოს მკურნალობის უმოკლეს შესაძლო ხანგრძლივობას და ყველაზე დაბალ ეფექტურ დოზას. ჯანდაცვის მუშაკებმა რეგულარულად უნდა შეაფასონ პაციენტების დიკლოფენაკის მიღების აუცილებლობა.
თუ გაქვთ რომელიმე ცნობილი გულის ან სისხლძარღვების დაავადება [მაგალითად, მაღალი არტერიული წნევა, რომლის გაკონტროლება შეუძლებელია, გულის შეგუბებითი უკმარისობა (გულს არ შეუძლია სხეულისათვის საჭირო რაოდენობით სისხლის ამოტუმბვა), გულის იშემიური დაავადება (არტერიის შევიწროება, რომელიც უზრუნველყოფს ჟანგბადის და გულის სისხლით მომარაგებას), ან პერიფერიული არტერიული დაავადება, DICLORON-ის მიღება არ არის რეკომენდირებული. (თუ თქვენ გაქვთ ცნობილი გულის დაავადება ან ხართ გულის დაავადების რისკის ქვეშ და, განსაკუთრებით, თუ ღებულობთ პრეპარატს 4 კვირაზე მეტ ხანს, თქვენი მკურნალი ექიმი ხელახლა შეაფასებს თქვენთვის DICLORON-ის მიღების გაგრძელების აუცილებლობას.
გულ-სისხლძარღვთა სისტემის გვერდითი ეფექტების რისკის მინიმუმამდე დასაყვანად, როგორც წესი, საჭიროა DICLORON-ის ყველაზე დაბალი დოზის მიღება.
თუ თქვენ ღებულობთ DICLORON-ს სხვა ანთების საწინააღმდეგო საშუალებებთან ერთად (მათ შორის აცეტილსალიცილის მჟავა, კორტიკოსტეროიდები, „სისხლის გამათხელებლები“ ​​და ანტიდეპრესანტები (იხილეთ თავი „სხვა პრეპარატებთან ერთად მიღება“).
თუ გაქვთ ასთმა ან თივის ცხელება (სეზონური ალერგიული რინიტი).
თუ ოდესმე გქონიათ ისეთი კუჭ-ნაწლავის პრობლემები, როგორიცაა კუჭის წყლული, კუჭის სისხლდენა ან შავი განავალი, ან თუ გქონიათ კუჭის დისკომფორტი ან გულძმარვა წარსულში ანთების საწინააღმდეგო საშუალებების მიღების შემდეგ.
თუ გაქვთ მსხვილი ნაწლავის ანთება (წყლულოვანი კოლიტი) ან ნაწლავის ანთება (კრონის დაავადება).
თუ გაქვთ ღვიძლის ან თირკმელების პრობლემები
თუ თქვენი ორგანიზმი სავარაუდოდ დეჰიდრატირებულია (მაგ. ავადმყოფობა, დიარეა სერიოზულ ოპერაციამდე ან მის შემდეგ).
თუ გისივდებათ ფეხები.
თუ გაქვთ სისხლდენის მაგვარი დარღვევა ან სისხლთან დაკავშირებული სხვა დარღვევები (მათ შორის იშვიათი ღვიძლის პრობლემა, რომელსაც პორფირია ეწოდება).
შემაერთებელი ქსოვილების დაავადებების ან სხვა მსგავსი დაავადებების არსებობის შემთხვევაში.
თუ ეს გაფრთხილებები წარსულშიც ძალაში იყო თქვენთვის, რჩევისათვის მიმართეთ თქვენს მკურნალ ექიმს.
თუ აპირებთ რაიმე სერიოზული ოპერაციის გაკეთებას, ამის შესახებ აცნობეთ თქვენს მკურნალ ექიმს.
DICLORON-ის მიღებისას გულმკერდის ტკივილის, ქოშინის, სისუსტის ან ბუნდოვანი მეტყველების მაგვარი გულის ან სისხლძარღვების პრობლემების ნიშნების ან სიმპტომების წარმოქმნის შემთხვევაში, დაუყონებლივ მიმართეთ თქვენს მკურნალ ექიმს.
DICLORON-ს შეუძლია შეამსუბუქოს ინფექციის სიმპტომები (მაგ. თავის ტკივილი, მაღალი სიცხე) და ამით გაართულოს ინფექციის გამოვლენა და ადეკვატური მკურნალობა. თუ თავს ცუდად გრძნობთ და ექიმთან ვიზიტი გჭირდებათ, თქვენს მკურნალ ექიმს აცნობეთ DICLORON-ის მიღების შესახებ.
ძალიან იშვიათ შემთხვევებში, DICLORON-მა, ისევე როგორც სხვა ანთების საწინააღმდეგო პრეპარატებმა, შეიძლება გამოიწვიოს მძიმე ალერგიული რეაქციები (მაგ. გამონაყარი).
ზემოთ აღნიშნული ნებისმიერი სიმპტომის წარმოქმნის შემთხვევაში, ამის შესახებ დაუყოვნებლივ აცნობეთ თქვენს მკურნალ ექიმს.

DICLORON-ის საკვებ-სასმელთან ერთად მიღება

არ არის ძალაში.

ფეხმძიმობა

პრეპარატის მოხმარების დაწყებამდე რჩევისთვის მიმართეთ თქვენს ექიმს ან ფარმაცევტს.

თუ თქვენ ხართ ფეხმძიმედ ან გეგმავთ ფეხმძიმედ დარჩენას, რჩევისთვის მიმართეთ თქვენს მკურნალ ექიმს.

საჭიროების და ექიმის მიერ გამოწერის გარეშე DIKLORON-ის მიღება დაუშვებელია.

ისევე, როგორც სხვა ანთების საწინააღმდეგო პრეპარატების შემთხვევაში, DIKLORON არ უნდა იქნას გამოყენებული ორსულობის ბოლო სამი თვის განმავლობაში, რადგან ამან შეიძლება ზიანი მიაყენოს ჯერ არ დაბადებულ ბავშვს ან გამოიწვიოს პრობლემები მშობიარობის დროს.

DICLORON-მა შესაძლოა გაართულოს დაორსულება. თუ თქვენ გეგმავთ დაორსულებას ან თუ გაქვთ პრობლემები დაორსულებასთან დაკავშირებით, გარდა აუცილებელი შემთხვევებისა, DIKLORON-ის მიღება დაუშვებელია.

ძუძუთი კვება

პრეპარატის მოხმარების დაწყებამდე რჩევისთვის მიმართეთ თქვენს მკურნალ ექიმს ან ფარმაცევტს.

თუ ძუძუთი კვებავთ ბავშვს, ამის შესახებ აცნობეთ თქვენს მკურნალ ექიმს.

თუ თქვენ ღებულობთ DIKLORON-ის, ბავშვის ძუძუთი კვება დაუშვებელია, რადგან მან შეიძლევა ზიანი მიაყენოს ბავშვს.

მანქანის ტარება და ხელსაწყოს მოხმარება

იშვიათ შემთხვევებში ისეთი გვერდითი მოვლენები, როგორიცაა მხედველობის დარღვევა, თავბრუსხვევა ან ძილიანობა, შეიძლება განვითარდეს პაციენტებში, რომლებიც ღებულობენ DICLORON-ს. თუ შეამჩნევთ ასეთ სიმპტომებს, ისეთი მანქანის ტარება ან ხელსაწყოების გამოყენება რომლებიც მოითხოვს სიფრთხილეს, დაუშვებელია, ზემოაღნიშნული სიმპტომების წარმოქმნის შემთხვევაში, ამის შესახებ დაუყოვნებლივ აცნობეთ თქვენს მკურნალ ექიმს.

ინფორმაცია DIKLORON-ის შემცველობაში არსებული ზოგიერთი დამხმარე ნივთიერებების შესახებ:

DICLORON შეიცავს ნატრიუმ მეტაბისულფიტს. იშვიათ შემთხვევებში ამ პრეპარატმა შეიძლება გამოიწვიოს ჰიპერმგრძნობელობის რეაქცია და ბრონქების შევიწროვება.

DICLORON შეიცავს ბენზილის სპირტს. ეს პრეპარატი გამოყენებული უნდა იქნეს ნაადრევად დაბადებული და ახალშობილი ბავშვებისათვის. ამ პრეპარატმა ჩვილ და 3 თვეზე ნაკლები ასაკის ბავშვებში შეიძლება გამოიწვიოს ტოქსიკური და ალერგიული რექაციები.

ამ სამედიცინო პროდუქტის ყოველი დოზა შეიცავს 1 მმოლ (23 მგ)-ზე ნაკლებ ნატრიუმს, ანუ „არ შეიცავს ნატრიუმს“.

სხვა პრეპარატებთან ერთად მოხმარება
ქვემოთ აღნიშნული ნებისმიერი პრეპარატის მიღების შემთხვევაში, ამის შესახებ აცნობეთ თქვენს მკურნალ ექიმს:
ლითიუმის ან სეროტონინის უკუმიტაცების შერჩევითი ინჰიბიტორები (SSRIs); (პრეპარატები, რომლებიც გამოიყენება გარკვეული ტიპის დეპრესიის სამკურნალოდ).
დიგოქსინი (მედიკამენტი, რომელიც გამოიყენება გულის პრობლემების დროს).
მიფეპრისტონი (მედიკამენტი, რომელიც გამოიყენება არასასურველი ორსულობის შესაწყვეტად).
დიურეტიკები (შარდმდენი საშუალებები).
AGE ინჰიბიტორები ან ბეტა-ბლოკატორები (წამლები, რომლებიც გამოიყენება მაღალი წნევის და გულის უკმარისობის სამკურნალოდ).
სხვა ანთების საწინააღმდეგო პრეპარატები (როგორიცაა აცეტილსალიცილის მჟავა ან იბუპროფენი.)
კორტიკოსტეროიდები (კორტიზონი და მსგავსი პრეპარატები, რომლებიც გამოიყენება ანთებით დაზიანებული სხეულის არეების სამკურნალოდ).
სისხლის გამათხელებლები (ვარფარინი და მსგავსი პრეპარატები, რომლებიც გამოიყენება სისხლის შედედების თავიდან ასაცილებლად).
დიაბეტის სამკურნალოდ გამოსაყენებელი მედიკამენტები (გარდა ინსულინისა).
მეთოტრექსატი (მედიკამენტი, რომელიც გამოიყენება გარკვეული ტიპის კიბოს ან ართრიტის სამკურნალოდ).
ციკლოსპროინი, ტაკროლიმუსი (პრეპარატები, რომლებიც გამოიყენება განსაკუთრებით ორგანოთა გადანერგვის დროს).
ტრიმეტოპრიმი (გამოიყენება საშარდე გზების ინფექციების პროფილაქტიკისა და სამკურნალოდ).
ქინოლონის სახეობის ანტიბაქტერიული პრეპარატები (ზოგიერთი პრეპარატი, რომელიც გამოიყენება ინფექციის საწინააღმდეგოდ).
ვორიკონაზოლი (პრეპარატი, რომელიც გამოიყენება სოკოვანი ინფექციების დროს).
ფენიტოინი (პრეპარატი, რომელიც გამოიყენება კრუნჩხვების სამკურნალოდ).
კოლესტიპოლი და ქოლეს ტირამინი (პრეპარატები, რომლებიც გამოიყენება ქოლესტერინის დონის შესამცირებლად).
ამჟამად რეცეპტით გამოწერილი ან არ გამოწერილი ნებისმიერი პრეპარატის მოხმარების ან ბოლო პერიოდის განმავლობაში მოხმარების შემთხვევაში, ამის შესახებ აცნობეთ თქვენს ექიმს ან ფარმაცევტს.

DICLORON-ის მოხმარების წესი

ეს პრეპარატი უნდა მიიღოთ თქვენი ექიმის დანიშნულების შესაბამისად. გამოწერილი დოზის და მიღების ვადის გადაჭარბება დაუშვებელია.

ინსტრუქციები სათანადო მოხმარების და დოზის / მოხმარების სიხშირის შესახებ:

გამოწერილი დოზის გადაჭარბება დაუშვებელია. ტკივილების გასაკონტროლებლად უნდა მიიღოთ ყველაზე დაბალი დოზა და საჭიროზე მეტი ხნის განმავლობაში DICLORON-ის მიღება არ არის რეკომენდირებული.

თქვენი მკურნალობის შედეგის მიხედვით,, თქვენი მკურნალი ექიმი გაცნობებთ DICLORON-ის მისაღებ დოზას და გირჩევთ უფრო მაღალ ან დაბალ დოზას.

მოზარდებისათვის:

მოზარდებისათვის რეკომენდირებული საწყისი დღიური დოზა შეადგენს ერთ ამპულას.ზოგიერთ შემთხვევებში, დასაშვებია ორი ამპულის მოხმარება. საჭიროების შემთხვევაში, მკურნალობა შეიძლება გაგრძელდეს დიკლოფენაკ ნატრიუმის აბებით სანთლებით.

მოხმარების ხერხი და მეთოდი:

ხსნარი უნდა ამოიღოთ შპრიცით ამპულიდან და შეიყვანოთ მენჯის კუნთში.

სხვადასხვა ასაკობრივი ჯგუფები:

ბავშვობის და მოზარდთა ასაკში მყოფი პირები:

ბავშვებისათვის და მოზარდებისათვის (18 წელზე ნაკლები ასაკის) DICLORON-ის მოხმარება არ არის რეკომენდირებული.

ხანდაზმული პაციენტები:

ხანდაზმული პაციენტები შეიძლება იყვნენ უფრო მგრძნობიარენი DICLORON-ის ეფექტების მიმართ, ვიდრე სხვა მოზრდილები. ამიტომ ხანდაზმულებმა განსაკუთრებული ყურადღება უნდა მიაქციონ ექიმის მითითებებს და სიმპტოემბის შესამსუბუქებლად გამოიყენონ პრეპარატის მინიმალური რაოდენობა. ხანდაზმულმა პაციენტებმა დაუყოვნებლივ უნდა აცნობონ ექიმს ნებისმიერი არასასურველი ეფექტის წარმოქმნის შესახებ.

თირკმელების უკმარისობა:

თირკმლის უკმარისობის მქონე პაციენტებისათვის DICLORON-ის მიღება დაუშვებელია. თირკმელების ფუნქციის დარღვევის მქონე პაციენტების შესახებ კვლევების შედეგების ხელმიუწვდომობის გამო, დოზის კორექტირების შესახებ რეკომენდაციების გაცემა დაუშვებელია. თუ გაქვთ თირკმლის მსუბუქი და ზომიერი უკმარისობა, თქვენი ექიმი გაცნობებთ DICLORON-ის მოხმარების დროს გამოსაჩენი სიფრთხილის შესახებ. გთხოვთ მიმართოთ თქვენს მკურნალ ექიმს.

ღვიძლის უკმარისობა:

ღვიძლის ფუნქციის დარღვევის მქონე პაციენტებისათვის DICLORON-ის მიღება დაუშვებელია. ღვიძლის ფუნქციის დარღვევის მქონე პაციენტების შესახებ კვლევების შედეგების ხელმიუწვდომობის გამო, დოზის კორექტირების შესახებ რეკომენდაციების გაცემა დაუშვებელია. თუ გაქვთ ღვიძლის მსუბუქი და ზომიერი უკმარისობა, თქვენი ექიმი გაცნობებთ DICLORON-ის მოხმარების დროს გამოსაჩენი სიფრთხილის შესახებ. გთხოვთ მიმართოთ თქვენს მკურნალ ექიმს.

თუ თქვენ შეამჩნევთ DICLORON-ის ძალიან ძლიერ ან სუსტ ეფექტს, მიმართეთ თქვენ ექიმს ან ფარმაცევტს.

თუ თქვენ ღებულობთ DICLORON-ს საჭიროზე დიდი დოზით:

ექიმის მიერ გამოწერილი დოზაზე მეტი დოზის მიღების შემთხვევაში, დაუყოვნებლივ მიმართეთ ექიმს ან ფარმაცევტს, ან მიმართეთ საავადმყოფოს სასწრაფო დახმარების განყოფილებას. შეიძლება დაგჭირდეთ სამედიცინო დახმარების მიღება.

ექიმის მიერ გამოწერილი DİKLORON-ის დოზაზე მეტი დოზის მიღების შემთხვევაში, ამის შესახებ აცნობეთ ექიმს ან ფარმაცევტს.

თუ თქვენ დაგავიწყდათ DICLORON-ის მიღება:

დავიწყებული დოზის ასანაზღაურებლად ორმაგი დოზის მიღება დაუშვებელია.

თუ თქვენ დაგავიწყდათ ერთი დოზის მიღება, დაუყოვნებლივ მიიღეთ დავიწყებული დოზა.

როგორია მოსალოდნელი გვერდითი ჩვენებები?

ისევე, როგორც ყველა წამალი, DİKLORON-ის შემცველობაში არსებული ნივთიერებების მიმართ ზოგიერთ პაციენტებს შეიძლება წარმოექმნათ გარკვეული გვერდითი ჩვენებები.

ზოგიერთი გვერდითი ჩვენებები შეიძლება იყოს სერიოზული.
ქვემოთ აღნიშნული გავრცელებული გვერდითი ჩვენებები განსაკუთრებით ხანგრძლივი დროის განმავლობაში მიღების დროს (150 მგ.) შეიძლება აღენიშნებოდეს 1000 პაციენტიდან 1-10-ს:
გულმკერდის უეცარი და მკვეთრი ტკივილი (მიოკარდიუმის ინფარქტის ან ინფარქტის ნიშნები).
სუნთქვის გაძნელება, წოლის დროს სუნთქვის გაძნელება, ფეხების შეშუპება (გულის უკმარისობის ნიშნები).
მუცლის ტკივილი, საჭმლის მონელების დარღვევა,გულძმარვა,გაზები,გულისრევა,პირღებინება.
კუჭში ან ნაწლავებში სისხლდენის ნებისმიერი ნიშანი (სისხლით პირღებინება, შავი ან მუქი განავალი).
კანის გამონაყარის, ქავილის, სისხლჩაქცევების, მტკივნეული წითელი ადგილების, კანის აქერცვლის ან ბუშტუკების მაგვარი ალერგიული რეაქციები.
სახის, ტუჩების, ხელების ან თითების შეშუპება
კანის ან თვალების გაყვითლება.
ყელის მუდმივი ტკივილი ან მაღალი სიცხე
შარდის რაოდენობის ან გარეგნობის მოულოდნელი შეცვლა.

გავრცელებული გვერდითი ჩვენებები (აღენიშნება 100 პაციენტიდან 10-ს):
თავის ტკივილი.
თავბრუსხვევა.
ვერტიგო (თავბრუსხვევა წონასწორობის დარღვევის გამო).
გულისრევა,.
პირღებინება.
ფაღარათი.
საჭმლის მონელების გაძნელება (დისპეფსიის სიმპტომი (დისპეფსია, საჭმლის მონელების დარღვევა)).
მუცლის ტკივილი.
გაზები.
მადის დაკარგვა.
ღვიძლის ფუნქციის ტესტის არანორმალური შედეგები (მაგალითად, ტრანსამინაზების დონი ზრდა).
კანზე გამონაყარი.
შეყვანის ადგილის რეაქცია, ტკივილი და გამაგრება.
შეყვანის ადგილის გაღიზიანება.
კუჭის ტკივილი.

იშვიათი გვერდითი ჩვენებები (აღენიშნება 10.000 პაციენტიდან 1-10-ს):
წარმოქმნილი სისხლდენა ან სილურჯეები (თრომბოციტოპენია, ანუ სისხლდენის შემაჩერებელ თრომბოციტებად წოდებული უჯრედების რაოდენობის შემცირების ნიშნები).
მაღალი სიცხე, ხშირად განმეორებადი ინფექციები, მუდმივი ყელის ტკივილი (აგრანულოციტოზი, ანუ ინფექციების მიმართ სხეულის დაცვაში მონაწილეობის მიმღები ზოგიერთი უჯრედების რაოდენობის შემცირების ნიშნები).
სუნთქვის და ყლაპვის გაძნელება, კანზე გამონაყარი, ქავილი, ჭინჭრის ციება, თავბრუსხვევა (ჰიპრმგრძნობელობა, ანაფილაქტიური და ანაფილაქტოიდური რეაქციები).
ხიხინი გულმკერდის არეში და ხველება, სუნთქვის უცაბედად გაძნელება და შებოჭილობა (სიცხე, არსებობის შემთხვევაში, ასთმის ან პნევმონიის ნიშნები).
უცაბედი ძლიერი თავის ტკივილი, გულისრევის შეგრძნება, პირღებინება, თავბრუსხვევა, უძილობა, მეტყველების მოშლა ან გაძნელება, კიდურების ან სახის გახდომა ან პარალიჩი (ცერებროვასკულარული დარღვევის ან ინსულტის ნიშნები).
კისრის გაშეშება, სიცხე, გულისრევის შეგრძნება, პირღებინება, თავის ტკივილი (ასეპტიური მენინგიტის ნიშნები).
სისხლით პირღებინება (ჰემატეზის ნიშნები) და/ან შავი ან სისხლიანი განავალი (გასტროინტესტინალური სისხლდენის ნიშნები).
სისხლიანი ფაღარათი (ჰემორაგიული ფაღარათის ნიშნები)
შავი განავალი (მელენას ნიშნები).
კუჭის ტკივილი, გულისრევა კუჭნაწლავის წყლულის ნიშნები, სისხლდენა ან პერფორაცია).
კანის ან თვალების სიყვითლე (სიყვითლის ნიშნები), მადის დაკარგვა, ყავისფერი შარდი (ჰეპატიტის / ღვიძლის უკმარისობის ნიშნები).
თავბრუსხვევა (ძილიანობის სიმპტომი).
კუჭის ტკივილი (გასტრიტის ნიშანი).
ღვიძლის დაზიანება.
კანზე გამონაყარი ქავილით (ჭინჭრის ციების ნიშანი).
ზოგადი შეშუპება (შეშუპების ნიშანი).
შეყვანის ადგილის ნეკროზი.
ტკივილი მსხვილ ნაწლავში.

ძალიან იშვიათი გვერდითი ჩვენებები (აღენიშნება 10.000 პაციენტიდან 1-ზე ნაკლებს):
განსაკუთრებით სახის და ყელის დასიება (ანგიონევროზული შეშუპების ნიშნები).
კონვულსიები.
თავის ტკივილი, თავბრუსხვევა (ჰიპერტონიის ან მაღალი არტერიული წნევის ნიშნები).
გამონაყარი, მოლურჯო-მოწითალო ლაქები, სიცხე, ქავილი (ვასკულიტის ნიშნები).
ფაღარათი, მუცლის ტკივილი, სიცხე, გულისრევის შეგრძნება, პირღებინება (ჰემორაგიული კოლიტის ჩათვლით, კოლიტის ნიშნები და წყლულოვანი კოლიტი ან კრონის დაავადებების წარმოქმნა).
მუცლის ზედა ნაწილის ძლიერი ტკივილი (პანკრეატიტის ნიშნები).
გრიპის მსგავსი სიმპტომები, დაღლილობა, კუნთების ტკივილი, სისხლის ანალიზის შედეგებში ღვიძლის ფერმენტების ზრდა (ფულმინანტური ჰეპატიტის, ღვიძლის ნეკროზის, ღვიძლის უკმარისობის და ღვიძლის დაზიანების ნიშნები).
კანზე გამონაყარი (ბულყზური დერმატიტის ნიშნები).
კანის სიწითლე ან სილურჯე (სისხლძარღვების ანთების ნიშნები), გამონაყარი კანზე მუწუკებით, გამონაყარი ტუჩებზე, თვალებში და ირის ღრუში ერითემის მულტიფორმული ნიშნები ან სიცხის აწევის შემთხვევაში, სტივენ-ჯონსის სინდრომი ან ტოქსიკური ეპიდერმული ნეკროლიზი (კანზე სითხით სავსე გამონაყარის მკქონე სერიოზული დაავადება).
კანის აქერცვლა და კანზე გამონაყარი (ექსფოლიატიური დერმატიტის ნიშნები).
კანის მზისადმი მგრძნობელობა (სინათლეზე მგრძნობელობის რეაქციის ნიშნები).
კანზე ლურჯი ლაქები (ალერგიით გამოწვევის შემთხვევაში, პურპურას ან ჰენოჩ-სჩოენლეინის პურპურას ნიშნები).
გასუქება, სიგამხდრის შეგრძნება ან ჭარბი შარდვა (თირკმელების მწვავე უკმარისობის ნიშნები).
შარდში პროტეინების ჭარბი ოდენობა (პროტეინურიისნიშნები).
სახის და მუცლის დასიება, მაღალი წნევა (ნეფროზული სინდრომის ნიშნები).
შარდის დიდი ან მცირე ოდენობით გამოყოფა, ძილიანობა, კონფუზია, გულისრევის შეგრძნება (ტუბულო-ინტერსტიციული ნეფრიტის ნიშნები).
შარდის გამოყოფის მკვეთრად შემცირება (თირკმელების პაპილარული ნეკროზის ნიშნები).
სისხლის წითელი უჯრედების დაბალი დონე (ანემიის ნიშნები).
სისხლის თეთრი უჯრედების დაბალი დონე (ლეიკოპენიის ნიშნები).
დროის, ადგილის და მიმართულების აღქმის დარღვევა (დეზორიენტაცია).
დეპრესია.
უძილობა (უძილობის ნიშანი).
კოშმარების დანახვა.
გამაღიზიანებლების მიმართ ჰიპერმგრძნობელობა, რეაქციის უნარი (გაღიზიანება).
შემაშფოთებელი აზრები ან განწყობა (ფსიქოზური აშლილობის სიმპტომები).
დაბუჟება ან ჩხვლეტა ხელებსა და ფეხებში (პარესთეზიის სიმპტომი),
მეხსიერების დაქვეითება
კანკალი (ტრემორი).
სმენის გაძნელება (სმენის დაქვეითების ნიშანი).
მხედველობის დარღვევა (მხედველობის დარღვევა, ბუნდოვანი მხედველობა, ორმაგი მხედველობის სიმპტომები).
ტინიტუსი.
კუჭში შეკრულობა, წყლულები პირის ღრუში (სტომატიტის სიმპტომები [პირის ღრუს ანთება]).
შეშუპება, სიწითლე და ენის ტკივილი (გლოციტის [ენის ანთება] სიმპტომები).
საყლაპავი მილის დეფექტი, რომელიც ატარებს საკვებს ყელიდან კუჭში (საყლაპავის დაზიანება).
განსაკუთრებით ჭამის შემდეგ მუცლის ღრუს ზედა ნაწილის არეში ტკივილი, განსაკუთრებით ჭამის შემდეგ (ნაწლავის დიაფრაგმის დაავადების ნიშანი).
გულისცემა.
ტკივილი გულმკერდის არეში.
კანის სიწითლე (ერითემა).
თმის ცვენა (ალოპეცია).
ქავილი (პრურიტი).
სისხლიანი შარდი (ჰემატურია).
შეყვანის ადგილის დაჩირქება (აბსცესი).

ზემოთ აღნიშნული ერთ-ერთი გვერდითი ჩვენების წარმოქმნის შემთხვევაში, ამის შესახებ აცნობეთ თქვენს მკურნალ ექიმს.
თუ თქვენ ღებულობდით Dikloron-ს რამდენიმე კვირაზე მეტი ხნის განმავლობაში, რეგულარულად უნდა გაიაროთ შემოწმება ექიმთან, რათა დარწმუნდეთ, რომ არ გაქვთ რაიმე არასასურველი ეფექტი.
წინამდებარე მოხმარების ინსტრუქციაში გაუთვალისწინებელი ნებისმიერი გვერდითი ჩვენების წარმოქმნის შემთხვევაში, ამის შესახებ დაუყოვნებლივ აცნობეთ თქვენს მკურნალ ექიმს ან ფარმაცევტს.

გვერდითი ჩვენებების მოხსენება:

წინამდებარე ინსტრუქციაში გათვალისწინებული გაუთვალისწინებელი ნებისმიერი გვერდითი ჩვენების წარმოქმნის შემთხვევაში, რჩევისთვის მიმართეთ თქვენს ექიმს ან ფარმაცევტს. გარდა ამისა, წარმოქმნილ გვერდით ჩვენებებთან დაკავშირებით შეგიძლიათ დააკლიკოთ www.titck.gov.tr ვებ გვერდზე არსებულ „წამლების გვერდითი ჩვენებების შესახებ შეტყობინების“ ლინკს ან დარეკოთ 0 800 314 00 08 ნომერზე თურქეთის ფარმაკოლოგიური ზედამხედველობის ცენტრში (TÜFAM) და აცნობოთ გვერდითი ჩვენებების შესახებ. წარმოქმნილი გვერდითი ჩვენებების შესახებ შეტყობინების დატოვების შემდეგ, თქვენ მოგეწოდებათ უფრო მეტი ინფორმაცია თქვენს მიერ მოხმარებული პრეპარატის უსაფრთხოების შესახებ.

Dikloron-ის შენახვა:
შეინახეთ Dikloron ბავშვებისათვის ხელმიუწვდომელ ადგილზე თავის შეფუთვაში.
შეინახეთ პრეპარატი 250C-ზე ნაკლები ტემპერატურის და ტენიანობისგან დაცულ პირობებში.