რონოციტი

სავაჭრო დასახელება

რონოციტი, Ronocit

საერთაშორისო არაპატენტირებული დასახელება

ციტიკოლინი, Citicoline

სამკურნალწამლო ფორმა

საინექციო ხსნარი

აღწერილობა: გამჭვირვალე უფერო ან მოყავისფრო-მოყვითალო ხსნარი.

პრეპარატის 1 ამპულა შეიცავს

აქტიური ნივთიერება: ციტიკოლინი (ნატრიუმის ციტიკოლინის ფორმით) 500 მგ ან 1000 მგ.

დამხმარე ნივთიერებები: ნატრიუმის ჰიდროქსიდი და/ან ქლორწყალბადმჟავა, საინექციოო წყალი.

პრეპარატის ათქ კოდი N06BX06

სხვა ფსიქოსტიმულატორები და ნოოტროპული პრეპარატები.

ციტიკოლინი ასტიმულირებს ნეირონული მემბრანის სტრუქტურული ფოსფოლიპიდების ბიოსინთეზს, რაც დასტურდება მაგნიტურ-რეზონანსული სპექტროსკოპიით ჩატარებული კვლევებით. ასეთი მოქმედების ხარჯზე ციტიკოლინი აუმჯობესებს ისეთი მემბრანული მექანიზმების ფუნქციონირებას, როგორიცაა იონგაცვლითი ტუმბოები და მემბრანული რეცეპტორები, რომლებიც უზრუნველყოფენ სათანადო ნეიროტრანსმისიას.

ციტიკოლინი, ახდენს რა მემბრანაზე მასტაბილიზირებელ მოქმედებას, ხელს უწყობს თავის ტვინის შეშუპების აღმოფხვრას.

ექსპერიმენტალურმა კვლევებმა აჩვენეს, რომ ციტიკოლინი აინჰიბირებს ზოგიერთი ფოსფოლიპაზების (A1, A2, C და D) აქტივაციას, ამცირებს რა თავისუფალი რადიკალების წარმოქმნას, რითაც ახდენს მემბრანული სისტემების დაზიანების პრევენციას და უზრუნველყოფს ანტიოქსიდანტური დაცვის სისტემების შენარჩუნებას, როგორიცაა გლუტათიონი.

ციტიკოლინი ინარჩუნებს ნეირონულ ენერგეტიკულ რეზერვს, აინჰიბირებს აპოპტოზს და ასტიმულირებს აცეტილქოლინის სინთეზს.

ასევე ექსპერიმენტულად დადასტურდა, რომ ციტიკოლინი ახდენს პროფილაქტიკურ ნეიროპროტექტორულ ეფექტს თავის ტვინის კეროვანი იშემიის მოდელებში.

კლინიკურმა კვლევებმა აჩვენეს, რომ ციტიკოლინი მნიშველოვნად აუმჯობესებს პაციენტების ფუნქციონალურ მდგომარეობას იშემიის მწვავე ცერებროვასკულარული შეტევით, რაც ემთხვევა თავის ტვინის იშემიური დაზიანების ნაკლებად გამოხატულ ზრდას ნეიროვიზუალიზაციური კვლევების დროს.

პაციენტებში ქალა-ტვინის ტრავმით ციტიკოლინი აჩქარებს გამოჯანმრთელებას და ამცირებს პოსტკომოციური სინდრომის ხანგრძლივობას და ინტენსივობას.

ციტიკოლინი აუმჯობესებს ყურადღების და ცნობიერების დონეს, ახდენს დადებით ეფექტს ამნეზიის დროს და კოგნიტიური და ნევროლოგიური დარღვევებისას, რომლებიც დაკავშირებულია თავის ტვინის იშემიასთან.

ციტიკოლინი კარგად შეიწოვება პერორალური, ინტრამუსკულარული ან ინტრავენური შეყვანის შემდეგ. ეს მნიშვნელოვნად ზრდის ქოლინის დონეს პლაზმაში. პერორალური მიღების შემდეგ შეწოვა თითქმის სრულია და მისი ბიოშეღწევადობა დაახლოებით იგივეა, რაც ინტრავენური შეყვანის შემდეგ. ციტიკოლინი მეტაბოლიზდება ნაწლავის კედელში და ღვიძლში ქოლინისა და ციტიდინის წარმოქმნით. ციტიკოლინი დიდწილად ნაწილდება თავის ტვინის სტრუქტურებში ქოლინის ფრაქციების სწრაფი ჩართვით სტრუქტურულ ფოსფოლიპიდებში და ციტიდინის ფრაქციებში ციტიდინის ნუკლეოტიდებსა და ნუკლეინის მჟავებში. ციტიკოლინი აღწევს თავის ტვინში და ხდება მისი აქტიური ჩაშენება უჯრედულ, ციტოპლაზმურ და მიტოქონდრიულ მემბრანებში, სტრუქტურული ფოსფოლიპიდების ფრაქციის ნაწილის წარმოქმნით.

დოზის მხოლოდ მცირე რაოდენობა გამოიყოფა შარდით და განავლით (3%-ზე ნაკლები). დოზის დაახლოებით 12% გამოიყოფა ამოსუნთქული CO2-ით. შარდით ციტიკოლინის ექსკრეციისას შეიძლება გამოიყოს ორი ფაზა: პირველი ფაზა, რომელიც გრძელდება დაახლოებით 36 საათის განმავლობაში, რომლის დროსაც გამოყოფის სიჩქარე სწრაფად მცირდება, და მეორე ფაზა, რომლის დროსაც გამოყოფის სიჩქარე მცირდება ბევრად უფრო ნელა. იგივე შეინიშნება ამოსუნთქულ CO2-შიც - გამოყოფის სიჩქარე დაახლოებით 15 საათის შემდეგ სწრაფად იკლებს, შემდეგ კი გაცილებით ნელა იკლებს.

გამოყენების

ნევრლოგიური და კოგნიტიური დარღვევების მკურნალობა, რომლებიც დაკავშირებულია ინსულტთან მწვავე და ქვემწვავე ფაზებში;
ნევრლოგიური და კოგნიტიური დარღვევების მკურნალობა, რომლებიც დაკავშირებულია თავის ქალას ტრავმებთან.

პრეპარატის შეყვანა შესაძლებელია ინტრამუსკულურად, ინტრავენურად ნელა (3-დან 5 წუთამდე, დოზის მიხედვით) ან ინტრავენური წვეთოვანი ინფუზიის სახით.

ინტრავენური წვეთოვანი ინფუზიის სახით შეყვანისას, პერფუზიის სიჩქარე უნდა შეადგენდეს 40-დან 60 წვეთამდე წუთში.

საინექციო ხსნარი ამპულაში განკუთვნილია ერთჯერადი გამოყენებისთვის. ამპულის გახსნის შემდეგ ხსნარი დაუყოვნებლივ უნდა იქნას გამოყენებული. გამოუყენებელი პრეპარატი უნდა გადააგდოთ. პრეპარატი თავსებადია ყველა სახის ინტრავენურ იზოტონურ ხსნარებთან. ის ასევე შეიძლება შერეული იქნას ჰიპერტონიულ გლუკოზის ხსნართან.

მოზრდილები

რეკომენდირებული დოზა შეადგენს 500 მგ-დან 2000 მგ-მდე დღე-ღამეში, მდგომარეობის სიმძიმის მიხედვით.

ხანდაზმული პაციენტები

ამ ასაკობრივი ჯგუფისთვის დოზის რაიმე კონკრეტული კორექცია საჭირო არ არის.

ბავშვები

ბავშვებში გამოყენების გამოცდილება შეზღუდულია. ამიტომ, პრეპარატი უნდა იქნას გამოყენებული მხოლოდ იმ შემთხვევაში, თუ მოსალოდნელი სარგებელი აღემატება პოტენციურ რისკს.

ჰიპერმგრძნობელობა ციტიკოლინის ან პრეპარატის ნებისმიერი კომპონენტის მიმართ;

პაციენტები პარასიმპათიკური ნერვული სისტემის ჰიპერტონიით.

არასასურველი რეაქციები

არასასურველი რეაქციების სიხშირე ძალიან იშვიათია (<1/10000) (ინდივიდუალური შემთხვევების ჩათვლით).

ფსიქიკის მხრივ: ჰალუცინაციები.

ნერვული სისტემის მხრივ: თავის ტკივილი,თავბრუსხვევა.

სისხლძარღვების მხრივ: არტერიული ჰიპერტენზია, არტერიული ჰიპოტენზია.

სასუნთქი სისტემის, გულმკერდის ორგანოების და შუასაყარის მხრივ: ქოშინი.

კუჭ-ნაწლავის ტრაქტის მხრივ: გულისრევა, ღებინება, დიარეა.

კანის და კანქვეშა ქსოვილების მხრივ: გაწითლება, ჭინჭრის ციება, ეგზანთემა, პურპურა.

ზოგადი დარღვევები და დარღვევები შეყვანის ადგილას: შემცივნება, შეშუპება.

შეტყობინებები საეჭვო არასასურველი რეაქციების შესახებ

საეჭვო არასასურველი რეაქციების შესახებ შეტყობინებები სამკურნალო საშუალების რეგისტრაციის შემდეგ მნიშვნელოვანია. თუ პაციენტს აღმოაჩნდა სერიოზული არასასურველი რეაქცია სამკურნალო საშუალებებზე ან აღინიშნება ახალი არასასურველი რეაქცია, რომელიც არ არის აღწერილი ამ ნაწილში, გთხოვთ მოახდინოთ ინფორემირება ფარმაკოზედამხედველობის ეროვნული სისტემის შესაბამისად.

ინტრავენური შეყვანა უნდა ჩატარდეს ნელა (3-დან 5 წუთამდე, დოზის მიხედვით).

ინტრავენური წვეთოვანი ინფუზიის სახით შეყვანისას, პერფუზიის სიჩქარე უნდა შეადგენდეს 40-დან 60წვეთამდე წუთში.

პერსისტირებადი ინტრაკრანიალური სისხლდენის შემთხვევაში რეკომენდირებულია არ გადააჭარბოთ 1000 მგ დოზას დღეში ძალიან ნელი ინტრავენური შეყვანის დროს (30 წვეთი წუთში).

დამხმარე ნივთიერებები

რონოციტი (ციტიკოლინი 500 მგ) შეიცავს 1,023 მმოლ ნატრიუმს (23,54 მგ) თითო ამპულაში, რაც ექვივალენტურია WHO-ს მიერ რეკომენდირებული მაქსიმალური სადღეღამისო მისაღები 2,0 გ ნატრიუმის 1,177% ზრდასრული ადამიანისთვის.

რონოციტი (ციტიკოლინი 1000 მგ) შეიცავს 2,047 მმოლ ნატრიუმს (47,09 მგ) ერთ ამპულაში, რაც ექვივალენტურია WHO-ს მიერ რეკომენდირებული მაქსიმალური სადღეღამისო მისაღები 2,0 გ ნატრიუმის 2,35% ზრდასრული ადამიანისთვის.

ზემოქმედება ავტოტრასნპორტის ტარების და მექანიზმების მართვის უნარზე

პრეპარატი არ ახდენს გავლენას სატრანსპორტო საშუალებების და მექანიზმების მართვის უნარზე, რაც საჭიროებს ფსიქომოტორული რეაქციების მომატებულ სიჩქარეს.

არ არსებობს საკმარისი მონაცემები ორსულობის დროს და ლაქტაციის პერიოდში ციტიკოლინის გამოყენებასთან დაკავშირებით. არ არის რეკომენდირებული პრეპარატის დანიშვნა ორსულობის დროს და ძუძუთი კვების პერიოდში, გარდა შემთხვევებისა, როდესაც მოსალოდნელი სარგებელი დედისთვის აღემატება პოტენციურ რისკს ნაყოფისათვის.

ციტიკოლინი აძლიერებს ლევოდოპას შემცველი პრეპარატების ეფექტებს.

არ არის რეკომენდირებული დანიშვნა ერთდროულად სამკურნალო საშუალებებთან, რომლებიც შეიცავენ ცენტროფენოქსინს ან მეკლოფენოქსატს.

არ არის მოსალოდნელი ინტოქსიკაციის შემთხვევები პრეპარატის დაბალი ტოქსიურობის გამო, თუნდაც თერაპიული დოზების გადაჭარბებისას.

შემთხვევითი დოზის გადაჭარბებისას ინიშნება სიმპტომური თერაპია

საინექციო ხსნარის 4 მლ უფერო მინის ამპულაში.

5 ამპულა კონტურულ უჯრედოვან შეფუთვაში.

1 კონტურული უჯრედოვანი შეფუთვა სამედიცინო გამოყენების ინსტრუქციასთან ერთად მუყაოს კოლოფში.

ინახება არაუმეტეს 25° С ტემპერატურაზე.

ინახება ბავშვებისათვის მიუწვდომელ ადგილას!