ართროკოლი

წამლის ფორმა: გელი

თეთრი, არომატიზებული, ნახევრად გამჭვირვალე, ერთგვაროვანი გელი ჩანართების გარეშე.

100 გრამი გელი შეიცავს:
აქტიური ნივთიერება: კეტოპროფენი 2,5 გ.
დამხმარე ნივთიერებები: კარბომერი 980, ქლოროკრეზოლი, დინატრიუმის ედეტატი, ბენზილის სპირტი, ნატრიუმის სულფიტი უწყლო, პროპილენგლიკოლი, თხევადი პარაფინი, ტროლამინი, იზოპროპილის სპირტი, გასუფთავებული წყალი, ლავანდის ზეთი.

პრეპარატის ათქ კოდი: M02 AA10

არასტეროიდული ანთების საწინააღმდეგო პრეპარატი გარეგანი გამოყენებისათვის.

კეტოპროფენი – არასტეროიდული ანთების საწინააღმდეგო საშუალება, პროპიონის მჟავას ჯგუფის წარმოებული. მოქმედების მექანიზმი პროსტაგლანდინების სინთეზის ინჰიბირებასთანაა დაკავშირებული. ავლენს ადგილობრივ ანალგეზიურ, ანთების საწინააღმდეგო და ანტიექსუდაციურ მოქმედებას. ადგილობრივად, გელის სახით გამოყენებისას ძალიან ნელა შეიწოვება და პრაქტიკულად არ გროვდება ორგანიზმში. გელის სახით კეტოპროფენის ბიოშეღწევადობა დაახლოებით 5%-ია, რის გამოც ორგანიზმზე მისი მოქმედება მხოლოდ ადგილობრივია და სისტემური ეფექტები არ აღინიშნება.

• საყრდენ-მამოძრავებელი აპარატის დაავადებები (სახსროვანი სინდრომი პოდაგრის გამწვავებისას, რევმატოიდული ართრიტი, ფსორიაზული ართრიტი, მაანკილოზებელი სპონდილოართრიტი, სხვადასხვა ლოკალიზაციის ოსტეოართროზი, ოსტეოქონდროზი, იოგების, მყესების ანთებითი დაზიანება, ბურსიტი, იშიაზი, ლუმბაგო);
• რევმატიული და არარევმატიული წარმოშობის მიალგიები;
• რბილი ქსოვილებისა და საყრდენ-მამოძრავებელი აპარატის პოსტტრავმული ანთება (გაურთულებელი ტრავმების სიმპტომური მკურნალობა, მათ შორის სპორტული ტრავმების, ღრძობის, მყესების და იოგების დაჭიმვის ან გაწყვეტის, დაჟეჟილობების, პოსტტრავმული ტკივილების);
• ვენების (ფლებიტი, პერიფლებიტი), ლიმფური სისხლძარღვებისა და ლიმფური კვანძების (ლიმფანგიტი, ზედაპირული ლიმფადენიტი) ანთებითი დაავადებების კომბინირებული თერაპია.

• პრეპარატის შემადგენელი კომპონენტების, აცეტილსალიცილის მჟავას ან სხვა აასს-ების მიმართ ინდივიდუალურად მომატებული მგრძნობელობა (მ.შ., ანამნეზში);
• 12 წლამდე ბავშვთა ასაკი;
• ორსულობის III ტრიმესტრი;
• ლაქტაცია (ძუძუთი კვება).

აღინიშნა უმნიშვნელო ალერგიული რეაქციები და კანის სიწითლე, კანზე გამონაყარი, ფოტოსენსიბილიზაცია. არის ცალკეული მონაცემები თირკმლის უკვე არსებული უკმარისობის გამწვავების შესახებ. ნებისმიერი გვერდითი მოვლენის განვითარების შემთხვევაში პრეპარატის მიღების შეწყვეტა და ექიმთან მიმართვაა აუცილებელი.

პრეპარატი განკუთვნილია გარეგანი გამოყენებისათვის.
გელის მცირე რაოდენობა (3-5 სმ-ის სიგრძის ზოლი) დაიტანება მტკივნეულ ან ანთების ადგილზე 2-3-ჯერ დღე-ღამეში კანში შეზელვით (რამდენიმე წუთის განმავლობაში). ექიმთან კონსულტაციის გარეშე მკურნალობის კურსის ხანგრძლივობა 7 დღეს არ უნდა აღემატებოდეს.

პრეპარატის ძალიან დაბალი სისტემური აბსორბციის გამო ჭარბი დოზირება ნაკლებსავარაუდოა. უნებურად გადაყლაპვის შემთხვევაში, გელმა შეიძლება სისტემური გვერდითი ეფექტები გამოიწვიოს გადაყლაპული რაოდენობის შესაბამისად. მათი წარმოქმნის შემთხვევაში მკურნალობა სიმპტომური უნდა იყოს.

გელის წასმა კანის იმ უბნებზე, სადაც ისეთი პათოლოგიური ცვლილებები აღინიშნება, როგორიცაა ეგზემა ან აკნე, არ არის სასურველი; ასევე, არ შეიძლება მისი წასმა კანის ინფიცირებულ ადგილებზე ან ღია ჭრილობებზე. დაუშვებელია გელის მოხვედრა ლორწოვან გარსებზე ან თვალებში. გელის წასმის შემდეგ აუცილებელია ხელების დაბანა. პრეპარატის გამოყენება ოკლუზიური (ჰაერგაუმტარი) ნახვევების ქვეშ არ არის რეკომენდებული. მიუხედავად იმისა, რომ კეტოპროფენის გელის ფორმით მიღებისას პლაზმაში მისი კონცენტრაცია პერორალურ მიღებასთან შედარებით ბევრად დაბალია, აუცილებელია სიფრთხილის გამოჩენა პრეპარატის დანიშვნისას იმ პაციენტთათვის, ვისაც ანამნეზში კუჭ-ნაწლავის ტრაქტის დაავადებები, ღვიძლის ან თირკმლის უკმარისობა აქვს, აგრეთვე, მათთვის, ვინც კუმარინის ჯგუფის ანტიოკოაგულანტებს იღებს. გელის დატანების შემდეგ კანზე გამონაყარის გაჩენის შემთხვევაში მკურნალობა უნდა შეწყდეს.
მკურნალობისას და მკურნალობის დასრულებიდან 2 კვირის განმავლობაში სასურველია მოერიდოთ მზის სხივების პირდაპირ ზემოქმედებას, ასევე სოლარიუმს.

არ არსებობს მონაცემები პრეპარატის ავტომანქანებისა და სხვა მექანიზმების მართვის უნარზე ზემოქმედების შესახებ.

ურთიერთქმედება ნაკლებსავარაუდოა, რამეთუ პრეპარატის ადგილობრივად გამოყენებისას მისი კონცენტრაცია სისხლის შრატში დაბალია.

პრეპარატის მიღება ორსულობის მესამე ტრიმესტრში და ლაქტაციისას (ძუძუთი კვება) უკუნაჩვენებია. პირველ და მეორე ტრიმესტრში პრეპარატი გამოიყენება სიფრთხილით.

2,5%-იანი გელი გარეგანი გამოყენებისათვის, ალუმინის ტუბში 40 გ.
ალუმინის ტუბი ფურცელ-ჩანართთან ერთად მუყაოს კოლოფში.

ინახება არა უმეტეს 25 °C ტემპერატურაზე, ბავშვებისათვის მიუწვდომელ ადგილას.

3 წელი წარმოების თარიღიდან.
არ გამოიყენება ვარგისიანობის ვადის ამოწურვის შემდეგ.

III ჯგუფი ურეცეპტოდ.