როლიპექსი

როლიპექსი არის წამალი, რომელიც მიეკუთვნება `სტატინების~ ჯგუფს. ის აუმჯობესებს ლიპიდების (`ცხიმების~) დონეს სისხლში. სისხლის ყველაზე გავრცელებული ლიპიდია ქოლესტერინი.

სისხლში გვხვდება ქოლესტერინის სხვადასხვა სახეობები: ე.წ. `ცუდი~ ქოლესტერინი (LDL-Ch) და `კარგი~ ქოლესტერინი (HDL-Ch). როლიპექსი ამცირებს `ცუდი~ ქოლესტერინის დონეს და ზრდის `კარგი~ ქოლესტერინის დონეს სისხლში.

თუ თქვენ დანიშნული გაქვთ როლიპექსი, ეს ნიშნავს რომ თქვენი ქოლესტერინის დონე მაღალია და ინსულტის ან მიოკარდიუმის მწვავე ინფარქტის განვითარების რისკის ქვეშ ხართ.

თუ თქვენ გირჩიეს სტატინების გამოყენება, მხოლოდ დიეტის ტიპის შეცვლა და ვარჯიში უკვე საკმარისი აღარ იყო.

როლიპექსი ეხმარება თქვენს ორგანიზმს, რომ თავიდან აიცილოს `ცუდი~ ქოლესტერინის წარმოქმნა და შეამციროს სისხლში მისი შემცველობა.

რატომ არის მნიშვნელოვანი როლიპექსით მკურნალობის გაგრძელება?

თქვენ უნდა გააგრძელოთ როლიპექსის მიღება მაშინაც, როცა ქოლესტერინის შემცველობა სასურველ დონეს მიუახლოვდება. როლიპექსი გიცავთ, რომ ქოლესტერინის დონე კვლავ არ გაიზარდოს. როლიპექსის მიღება უნდა შეწყვიტოთ, თუ ორსულად ხართ.

გააგრძელეთ ქოლესტერინის დონის დამაქვეითებელი დიეტა და ვარჯიში როლიპექსით მკურნალობის პარალელურად.

ადამიანთა უმეტესობა, სანამ ისინი შესაბამის ნიშნებს არ გრძნობენ, ფიქრობენ, რომ ქოლესტერინის მაღალი დონე მათ ზიანს არ აყენებს. თუმცა თუ ამ მდგომარეობის შესაბამისი მკურნალობა არ ტარდება, ლიპიდები აკუმულირდება სისხლძარღვთა კედლებზე და იწვევს მათ შევიწროებას.

ზოგჯერ შევიწროებულმა სისხლძარღვებმა შესაძლებელია მიოკარდიუმის მწვავე ინფარქტი გამოიწვიოს. მიოკარდიუმის მწვავე ინფარქტი და ინსულტი ვითარდება, როცა გულს ან თავის ტვინს სისხლი აღარ მიეწოდება. მიოკარდიუმის მწვავე ინფარქტის ან ინსულტის განვითარების რისკის შემცირება შეგიძლიათ ქოლესტერინის დონის გაუმჯობესებით.

რა უნდა იცოდეთ როლიპექსის მიღების დაწყებამდე

როლიპექსის მიღება არ არის რეკომენდებული, თუ:

• გაქვთ ჰიპერმგრძნობელობა როზუვასტატინის ან პრეპარატის დამატებითი კომპონენტების მიმართ

• ხართ ორსული ან მეძუძური დედა; თუ როლიპექსით მკურნალობის დროს დაორსულდით, დაუყოვნებლივ შეწყვიტეთ როლიპექსის მიღება და გაიარეთ კონსულტაცია თქვენს მკურნალ ექიმთან. როლიპექსით მკურნალობის დროს ქალებმა თავიდან უნდა აიცილონ ორსულობა კონტრაცეპტული მეთოდების საშუალებით

• გაქვთ ღვიძლის დაავადება

• გაგაჩნიათ სერიოზული თირკმლის დაავადება

• გაწუხებთ კუნთების განმეორებითი ხასიათის და უცნობი ეტიოლოგიის ტკივილი

• მკურნალობთ ციკლოსპორინით (მაგ. ორგანოს ტრანსპლანტაციის შემდეგ).

გთხოვთ, გაიაროთ კონსულტაცია მკურნალ ექიმთან თუ ზემოხსენებული რომელიმე შემთხვევა აღგენიშნებათ.

არ გამოიყენოთ 40 მგ როლიპექსი (ყველაზე მაღალი დოზა) შემდეგ შემთხვევებში:

• თუ გაქვთ თირკმლის საშუალო სიმძიმის უკმარისობა (საეჭვო შემთხვევებში გაიარეთ კონსულტაცია ექიმთან)

• თუ აღგენიშნებათ ფარისებრი ჯირკვლის ფუნქციის დარღვევა

• თუ გაწუხებთ განმეორებითი ხასიათის და უცნობი ეტიოლოგიის კუნთების ტკივილი (გაქვთ ინდივიდუალური ან ოჯახური ისტორია კუნთების დაავადებებთან დაკავშირებით, წარსულში გქონდათ ქოლესტერინის დონის დამაქვეითებელ მედიკამენტებთან დაკავშირებული პრობლემები)

• თუ რეგულარულად იღებთ დიდი რაოდენობით ალკოჰოლს

• თუ ხართ აზიელი (იაპონელი, ჩინელი, ფილიპინელი, ვიეტნამელი, კორეელი ან ინდოელი)

• თუ იღებთ ფიბრატებს, რომლებიც აქვეითებენ სისხლში ცხიმების დონეს

გთხოვთ, გაიაროთ კონსულტაცია მკურნალ ექიმთან თუ ზემოხსენებული რომელიმე შემთხვევა აღგენიშნებათ ან ფიქრობთ, რომ ადგილი აქვს რომელიმე მათგანს.

როლიპექსი სიფრთხილით გამოიყენეთ შემდეგ შემთხვევებში:

• თუ გაწუხებთ თირკმელები

• თუ გაწუხებთ ღვიძლი

• თუ გაწუხებთ კუნთების განმეორებითი ხასიათის და უცნობი ეტიოლოგიის ტკივილი, გაქვთ კუნთების დაავადებებთან დაკავშირებული ინდივიდუალური ან ოჯახური ისტორია, წარსულში გქონდათ ქოლესტერინის დონის დამაქვეითებელ მედიკამენტებთან დაკავშირებული პრობლემები. დაუყოვნებლივ მიმართეთ ექიმს თუ გაქვთ ცხელება და გრძნობთ აუხსნელი ხასიათის კუნთების ტკივილს.

• თუ რეგულარულად იღებთ დიდი რაოდენობით ალკოჰოლს

• თუ აღგენიშნებათ ფარისებრი ჯირკვლის ფუნქციის დარღვევა

• თუ იღებთ ფიბრატებს, რომლებიც აქვეითებენ სისხლში ცხიმების დონეს

• თუ პაციენტი ბავშვია: როლიპექსის დანიშვნა ბავშვებში არ შეიძლება.

• თუ 70 წელზე მეტი ასაკის ხართ: მკურნალი ექიმი იღებს გადაწყვეტილებას როლიპექსის თქვენი ასაკის შესაფერის საწყის დოზასთან დაკავშირებით

• თუ აზიელი ხართ (იაპონელი, ჩინელი, ფილიპინელი, ვიეტნამელი, კორეელი ან ინდოელი). მკურნალი ექიმი იღებს გადაწყვეტილებას როლიპექსის თქვენთვის შესაფერის საწყის დოზასთან დაკავშირებით.

თუ ზემოაღნიშნული რომელიმე მოვლენა აღგენიშნებათ ან ფიქრობთ, რომ ადგილი აქვს რომელიმე მათგანს, როლიპექსის მიღებამდე გაიარეთ კონსულტაცია მკურნალ ექიმთან ან ფარმაცევტთან.

როლიპექსის გამოყენება საკვებთან და სასმელთან ერთად

როლიპექსის გამოყენება შესაძლებელია როგორც უზმოზე, ისე ჭამის შემდეგ.

მედიკამენტის გამოყენებამდე გაიარეთ კონსულტაცია თქვენს მკურნალ ექიმთან ან ფარმაცევტთან.

არ გამოიყენოთ როლიპექსი თუ ხართ ორსულად. როლიპექსით მკურნალობის დროს ქალებმა შესაძლო ორსულობა თავიდან უნდა აიცილონ შესაფერისი კონტრაცეპტული მეთოდებით.

თუ მკურნალობის პერიოდში შეამჩნიეთ რომ ორსულად ხართ, დაუყოვნებლივ მიმართეთ ექიმს ან ფარმაცევტს კონსულტაციისთვის.

ლაქტაცია

მედიკამენტის გამოყენებამდე გაიარეთ კონსულტაცია თქვენს მკურნალ ექიმთან ან ფარმაცევტთან.

არ გამოიყენოთ როლიპექსი ძუძუთი კვების დროს.

ავტომობილის მართვის დროს

როლიპექსი არ აქვეითებს ავტომობილის ან სხვა ტრანსპორტის მართვის უნარს; თუმცა ზოგჯერ როლიპექსით მკურნალობის დროს აღინიშნება ძილიანობა. თუ თქვენ გაწუხებთ ძილიანობა, ავტომობილის ან სხვა ტრანსპორტის მართვამდე მიმართეთ თქვენს მკურნალ ექიმს კონსულტაციისთვის.

მნიშვნელოვანი ინფორმაცია როლიპექსის ზოგიერთი ექსციპიენტის შესახებ

თუ გაგაჩნიათ ზოგიერთი შაქრის აუტანლობა, მედიკამენტის მიღებამდე მიმართეთ თქვენს მკურნალ ექიმს კონსულტაციისთვის.

სხვა მედიკამენტების მიღება

გთხოვთ, აცნობოთ თქვენს მკურნალ ექიმს ან ფარმაცევტს, თუ თქვენ ღებულობთ ან ბოლო პერიოდში ღებულობდით რაიმე წამალს, მათ შორის ურეცეპტოდ გასაცემს.

აცნობეთ თქვენს მკურნალ ექიმს, თუ იღებთ ქვემოხსენებულ რომელიმე მედიკამენტს: ციკლოსპორინი (მაგ. ორგანოს ტრანსპლანტაციის შემდეგ), ვარფარინი (ან სხვა ანტიკოაგულაციური საშუალებები), ფიბრატები (გემფიბროსილი, ფენოფიბრატი და სხვა) ან ქოლესტერინის დონის სხვა დამაქვეითებელი საშუალებები (ეზეტიმიბი და სხვა), ანტი-დისპეპსიური საშუალებები (კუჭის მაღალი მჟავიანობის დროს), ერითრომიცინი (ანტიბიოტიკი), კონტრაცეპტული ტაბლეტები, ჰორმონ-ჩანაცვლებითი თერაპია ან ლოპინავირი/რიტონავირი (აივ-ინფექციის საწინააღმდეგოდ). აღნიშნული მედიკამენტების ეფექტები შეიძლება შეიცვალოს როლიპექსის გავლენით და პირიქით, მათ შეიძლება მოახდინონ გავლენა როლიპექსის ეფექტებზე.

გთხოვთ, მიაწოდოთ ინფორმაცია თქვენს მკურნალ ექიმს ან ფარმაცევტს თუ ამჟამად იღებთ რომელიმე მედიკამენტს ან უახლოეს წარსულში მკურნალობდით რეცეპტით ან ურეცეპტოდ გასაცემი სხვა წამლებით.

როლიპექსი ყოველთვის მიიღეთ თქვენი მკურნალი ექიმის რეკომენდაციის მიხედვით. გადაამოწმეთ ინფორმაცია თქვენს ექიმთან ან ფარმაცევტთან, თუ არა ხართ დარწმუნებული.

მითითებები პრეპარატის ადექვატური გამოყენებისა და დოზირების / დანიშვნის სიხშირის შესახებ:

საწყისი დოზა:

როლიპექსით მკურნალობა უნდა დაიწყოთ 5 მგ-ით, თუ მანამდე არ მიგიღიათ სტატინები; ხოლო თუ ადრე იღებდით სხვა სტატინს, მაშინ შესაძლებელია მკურნალობის დაწყება 10 მგ-ით.

საწყისი დოზის შერჩევა დამოკიდებულია:

• თქვენი ქოლესტერინის დონეზე

• მიოკარდიუმის მწვავე ინფარქტისა და ინსულტის განვითარების რისკებზე

• თქვენს მდგომარეობაზე, რომელმაც შესაძლოა წამლისმიერი გვერდითი ეფექტები გამოიწვიოს.

თქვენი მკურნალი ექიმი შეარჩევს როლიპექსის დოზას, რომელიც თქვენთვის საუკეთესო იქნება.

მკურნალმა ექიმმა შესაძლებელია გირჩიოთ ყველაზე დაბალი დოზის, ე.ი. 5 მგ-ის მიღება შემდეგ შემთხვევებში:

• თუ თქვენ ხართ აზიელი (იაპონელი, ჩინელი, ფილიპინელი, ვიეტნამელი, კორეელი ან ინდოელი)

• თუ ხართ 70 წელზე მეტი ასაკის

• თუ გაქვთ თირკმლის საშუალო სიმძიმის უკმარისობა

• თუ გაქვთ კუნთების ტკივილი (მიოპათია)

დოზის გაზრდა და მაქსიმალური დღიური დოზა:

შესაძლებელია თქვენმა მკურნალმა ექიმმა გადაწყვიტოს დოზის გაზრდა, რომ მიიღოთ თქვენთვის ყველაზე მეტად შესაფერისი დოზა. თუ თქვენ მკურნალობა დაიწყეთ 5 მგ-ით, თქვენმა ექიმმა შესაძლებელია დოზა გაზარდოს თავდაპირველად 10 მგ-მდე, შემდეგ 20 მგ-მდე და საჭიროების შემთხვევაში გააორმაგოს დოზა 40 მგ-მდე. დოზის ყოველი მომატების შემდეგ კეთდება 4-კვირიანი ინტერვალი.

მიღების გზა და მეთოდი:

მთლიანი ტაბლეტი გადაყლაპეთ წყალთან ერთად.

როლიპექსი მიიღეთ დღეში ერთხელ. როლიპექსის მიღება შეგიძლიათ დღის ნებისმიერ მონაკვეთში. ყურადღება მიაქციეთ იმას, რომ ყოველდღე ერთი და იგივე დროს მიიღოთ მედიკამენტი.

ქოლესტერინის რეგულარული კონტროლი

ძალიან მნიშვნელოვანია ექიმთან რეგულარული ვიზიტი ქოლესტერინის დონის გასაკონტროლებლად. ამ გზით თქვენ დარწმუნებული იქნებით, რომ მიაღწევთ და შეინარჩუნებთ ქოლესტერინის სასურველ დონეს.

სხვადასხვა ასაკობრივი ჯგუფები:

პედიატრია:

როლიპექსი არ არის რეკომენდებული ბავშვებისთვის.

გერიატრია:

თუ თქვენ ხართ 70 წლის ან უფრო მეტი ასაკის, მკურნალმა ექიმმა შესაძლებელია, გირჩიოთ საწყისი დოზის სახით 5 მგ როზუვასტატინის მიღება. სხვა ტიპის დოზის დარეგულირება არ არის საჭირო ამ ასაკობრივ ჯგუფში.

განსაკუთრებული მდგომარეობები:

თირკმლის უკმარისობა:

დოზის დარეგულირება არ არის საჭირო მსუბუქი და საშუალო სიმძიმის თირკმლის უკმარისობის მქონე პაციენტებში. საშულო სიმძიმის თირკმლის უკმარისობის მქონე პაციენტებში რეკომენდებული საწყისი დოზაა 5 მგ. დღიურმა დოზამ არ უნდა გადააჭარბოს 10 მგ-ს. საშუალო სიმძიმის თირკმლის უკმარისობის მქონე პაციენტებში არ შეიძლება 40 მგ-ის დანიშვნა. თირკმლის მძიმე უკმარისობის მქონე პაციენტებში როლიპექსი არ ინიშნება

ღვიძლის დაზიანება:

როლიპექსის გამოყენება არ შეიძლება ღვიძლის აქტიური დაავადების მქონე პაციენტებში.

დოზის გადაჭარებებია

როლიპექსის ჭარბი დოზირებისას კონსულტაციისთვის მიმართეთ თქვენს მკურნალ ექიმს ან ფარმაცევტს

თუ თქვენ დაგავიწყდათ როლიპექსის მიღება:

გამოტოვეთ დოზა, რომელიც დაგავიწყდათ და მომდევნო დოზა მიიღეთ ჩვეულ დროს.

არ მიიღოთ ორმაგი დოზა გამოტოვებულის ასანაზღაურებლად.

ეფექტები, რომლებიც შეიძლება გამოვლინდეს როლიპექსით მკურნალობის შეწყვეტის დროს

თუ გსურთ როლიპექსის მიღების შეწყვეტა, კონსულტაციისთვის მიმართეთ თქვენს ექიმს. შესაძლებელია როლიპექსით მკურნალობის შეწყვეტისას ქოლესტერინის დონემ ისევ მოიმატოს.

თქვენთვის მნიშვნელოვანია იმის ცოდნა, თუ რა გვერდითი მოვლენები შეიძლება განვითარდეს როლიპექსის გამოყენებისას. ასეთი გვერდითი მოვლენები, როგორც წესი სუსტია და სწრაფად გაივლის.

თუ ქვემოხსენებული რომელიმე მოვლენა აღგენიშნებათ, შეწყვიტეთ როლიპექსის მიღება და დაუყოვნებლივ დაუკავშირდით თქვენს ექიმს ან გაიარეთ კონსულტაცია სასწრაფო დახმარების ბრიგადასთან:

• სუნთქვის გაძნელება: სახის, ტუჩების, ენის და ხახის შეშუპებით ან მის გარეშე,

• სახის, ტუჩების, ენისა ან/და ხახის შეშუპება დისფაგიით

• ეგზანთემა ძლიერი ქავილით

დაუყოვნებლივ შეწყვიტეთ როლიპექსის მიღება, თუ გრძნობთ კუნთების უჩვეულო ტკივილს; იშვიათად ეს ეფექტები შესაძლებელია გადაიზარდოს სიცოცხლისათვის საშიშ კუნთების დაზიანებაში, რასაც ეწოდება რაბდომიოლიზი. ეს სერიოზული გვერდითი მოვლენა ძალიან იშვიათია.

ძალიან იშვიათი გვერდითი მოვლენები (შეიძლება აღინიშნოს 1 /10000 უფრო ნაკლებ შემთხვევაში)

სიყვითლე (ყვითელი კანი და თვალები)

ჰეპატიტი (ღვიძლის ანთება)

ჰემატურია

კიდურების ნერვის დაზიანება (დაბუჟება)

ამნეზია

ართრალგია

კონსულტაციისთვის მიმართეთ თქვენს ექიმს, თუ გაწუხებთ რომელიმე ზემოხსენებული მოვლენა.

იშვიათი გვერდითი მოვლენები (შეიძლება აღინიშნოს 1 /1,000 _ 1 /10,000 შემთხვევაში)

ალერგიული რეაქციები: სახის, ტუჩების, ენისა ან/და ხახის შეშუპება, სუნთქვისა და ყლაპვის გაძნელება, ძლიერი ქავილი გამონაყარით. თუ თქვენ ფიქრობთ, რომ ალერგიული რეაქცია გაქვთ, დაუყოვნებლივ შეწყვიტეთ როლიპექსის მიღება და მიმართეთ ექიმს

კუნთების დაზიანება: თუ თქვენ გაქვთ კუნთების უჩვეულო ტკივილი, რომელიც უფრო დიდხანს გრძელდება, ვიდრე მოელოდით, სიფრთხილის მიზნით შეწყვიტეთ როლიპექსის მიღება და კონსულტაციისთვის მიმართეთ თქვენს მკურნალ ექიმს

ძლიერი მუცლის ტკივილები (პანკრეასის ანთება)

ღვიძლის ფერმენტების მომატება სისხლში.

კონსულტაციისთვის მიმართეთ თქვენს ექიმს, თუ გაწუხებთ რომელიმე ზემოხსენებული მოვლენა.

სერიოზული გვერდითი ეფექტები იშვიათია.

ნაკლებად ხშირი გვერდითი მოვლენები (შეიძლება აღინიშნოს 1 /100 _ 1 /1,000 შემთხვევაში)

გამონაყარი, ქავილი და კანის რეაქციები,

შარდში ცილების მომატება. ზოგადად, ეს მდგომარეობა გარდამავალია და ნორმას უბრუნდება როლიპექსის მიღების შეწყვეტამდეც (დამახასიათებელია მხოლოდ 5 მგ, 10 მგ და 20 მგ როლიპექსისთვის).

კონსულტაციისთვის მიმართეთ თქვენს ექიმს, თუ გაწუხებთ რომელიმე ზემოხსენებული მოვლენა.

ხშირი გვერდითი მოვლენები (შეიძლება აღინიშნოს 1 /10 _ 1 /100 შემთხევაში)

მიმართეთ თქვენს მკურნალ ექიმს, თუ გაწუხებთ:

თავის ტკივილი

მუცლის ტკივილი

ყაბზობა

შეუძლოდ ყოფნა

კუნთების ტკივილი

სისუსტე

ძილიანობა

შარდში ცილების მომატება. ზოგადად, ეს მდგომარეობა გარდამავალია და ნორმას უბრუნდება როლიპექსის მიღების შეწყვეტამდეც (ჩვეულებრივ შემთხვევებში დამახასიათებელია მხოლოდ 40 მგ როლიპექსისთვის).

ესენი გახლავთ როლიპექსის მსუბუქი გვერდითი მოვლენები.

თუ თქვენ აღგენიშნათ გვერდითი მოვლენა, რომელიც არ არის აღწერილი პაციენტის საინფორმაციო ბროშურაში, დაუკავშირდით თქვენს მკურნალ ექიმს ან ფარმაცევტს

როლიპექსი შეინახეთ თავის შეფუთვაში, ბავშვებისათვის მიუწვდომელ ადგილზე.

როლიპექსი შეინახეთ ოთახის, 25°C-მდე, ტემპერატურაზე.

ვარგისობის ვადა: 24 თვე

როლიპექსი არ გამოიყენოთ შეფუთვაზე აღნიშნული ვადის გასვლის შემდეგ.

არ გამოიყენოთ როლიპექსი თუ შენიშნავთ, რომ პროდუქტი ან მისი შეფუთვა დაზიანებულია.

გაცემის წესი: ფარმაცევტული პროდუქტის ჯგუფი II (გამოყენება შესაძლებელია ექიმის დანიშნულებით)