ნოზეილინი

წამლის ფორმა
თვალის/ცხვირის წვეთები

პრეპარატ ნოზეილინის 1 მლ შეიცავს:
აქტიური ნივთიერებები:
ნაფაზოლინის ჰიდროქლორიდი 0,5 მგ
ქლორფენირამინის მალეატი 0,5 მგ
დამხმარე ნივთიერებები: ნატრიუმის ციტრატი, ბორის მჟავა, ბენზალკონიუმის ქლორიდი, დინატრიუმის ედეტატი, საინექციო წყალი.

პრეპარატის ათქ კოდი: S01GA51.

α2-ადრენომიმეტური საშუალება. H1-ჰისტამინური რეცეპტორების ბლოკატორი. სისხლძარღვთა შემავიწროვებელი და ანტიჰისტამინური საშუალება.

კომბინირებული პრეპარატი ადგილობრივი გამოყენებისათვის ოფთალმოლოგიაში და ყელ-ყურ-ცხვირის პრაქტიკაში. ახასიათებს ხანგრძლივად გამოხატული სისხლძარღვთა შემავიწროვებელი და ანტიალერგიული მოქმედება, ამცირებს ადგილობრივ ექსუდაციურ გამოვლინებებს, ცხვირის, ცხვირ-ხახისა და დანამატი წიაღების ლორწოვანი გარსების შეშუპებასა და ჰიპერემიას, ამცირებს სურდოს, ცემინებას, ცრემლდენას, თვალისა და ცხვირის ქავილს.

ნოზეილინი გამოიყენება:

• რინიტის (მწვავე, ალერგიული, ვაზომოტორული), სინუსიტის, ევსტაქიტის დროს;
• ცხვირიდან სისხლდენების (როგორც სისხლძარღვების შემავიწროვებელი) შეჩერებისათვის და რინოსკოპიის ჩატარების გაიოლებისათვის;
• თვალის ალერგიული დაავადებებისას;
• ასთენოპიის დროს (აკომოდაციის დარღვევა მხედველობის გადაძაბვისას);

პრეპარატი უკუნაჩვენებია:
– მომატებული მგრძნობელობა პრეპარატის კომპონენტების მიმართ;
– არტერიული ჰიპერტენზია;
– ჰიპერთირეოზი;
– დახურულკუთხიანი გლაუკომა;
– მაო-ს ინჰიბიტორებთან ერთდროული მიღებისას, აგრეთვე მათი მიღების შეწყვეტიდან 14 დღის განმავლობაში;
ნოზეილინი უკუნაჩვენებია 2 წლამდე ასაკის ბავშვებში.

პრეპარატი განკუთვნილია მხოლოდ ადგილობრივი გამოყენებისათვის.
ვინაიდან, პრეპარატის ინსტილაციის შემდეგ შესაძლებელია მხედველობის სიმახვილის დროებითი დაქვეითება, ნოზეილინი სიფრთხილით გამოიყენება ავტომობილის მართვისას და რთულ ტექნიკასთან მუშაობის დროს.
კონტაქტური ლინზების გამოყენებისას ჩაწვეთებამდე აუცილებელია მათი მოხსნა, რის შემდეგაც ლინზების გაკეთება შესაძლებელია მხოლოდ პრეპარატის ინსტილაციიდან 15-20 წუთის შემდეგ.

ადგილობრივი რეაქციები: ცრემლდენა, ხანგრძლივი გამოყენებისას – ცხვირის ლორწოვანი გარსის შეშუპება.
სისტემური რეაქციები: თავბრუსხვევა, თავის ტკივილი, გულისრევა, სისუსტე, ძილიანობა.

თვალი:
ბავშვებში 2-დან 6 წლამდე თითო წვეთი 3-ჯერ დღე-ღამეში;
6 წლის ასაკზე უფროს ბავშვებსა და მოზრდილებში 1-2 წვეთი ყოველ 3-6 საათში;
ცხვირი:
ბავშვებში 2-დან 6 წლამდე თითო წვეთი 3-ჯერ დღე-ღამეში;
6 წლის ასაკზე უფროს ბავშვებსა და მოზრდილებში 2 წვეთი 4-ჯერ დღე-ღამეში.

ჭარბი დოზირების საფრთხე წარმოიქმნება პრეპარატის გადაყლაპვის შემთხვევაში (განსაკუთრებით უმცროსი ასაკის ბავშვებში) და ვლინდება შემდეგი სიმპტომები: ძილიანობა, სხეულის ტემპერატურის დაქვეითება, გულისცემის სიხშირის შენელება.

მაო-ს ინჰიბიტორებთან ერთდროული მიღებისას შეიძლება გამოვლინდეს არტერიული ჰიპერტენზია, ნაფაზოლინის მოქმედების შედეგად დეპონირებული კატექოლამინების გამოთავისუფლების ხარჯზე. გარდა ამისა, მაო-ს ინჰიბიტორებთან მიღების ფონზე ნელდება ღვიძლში ქლორფენირამინის მეტაბოლიზმი, რამაც მისი მოქმედების გაძლიერებამდე შეიძლება მიგვიყვანოს.

ორსულებში ადექვატური და კარგად კონტროლირებადი კლინიკური კვლევა არ ჩატარებულა. ამიტომ, ნოზეილინის დანიშვნა ორსულობის დროს გამართლებულია მხოლოდ იმ შემთხვევაში, როდესაც დედისათვის მოსალოდნელი სარგებელი აღემატება ნაყოფისათვის მოსალოდნელ რისკს.
ნოზეილინი სიფრთხილით ინიშნება ლაქტაციის პერიოდში.

თვალის/ცხვირის წვეთები 15 მლ-იან პლასტმასის ფლაკონში საწვეთურით და ხრახნიანი დამცავი რგოლით.
ფლაკონი მოთავსებულია მუყაოს კოლოფში გამოყენების ინსტრუქციასთან ერთად.

ინახება 15-25ºC ტემპერატურაზე, ბავშვებისათვის მიუწვდომელ ადგილას.
ფლაკონის გახსნის შემდეგ პრეპარატის გამოყენება შეიძლება ერთი თვის განმავლობაში!

3 წელი წარმოების თარიღიდან.
ვარგისიანობის ვადის გასვლის შემდეგ პრეპარატის გამოყენება არ შეიძლება.

ფარმაცევტული პროდუქტის ჯგუფი III – გამოიყენება ექიმის დანიშნულების გარეშე.