ლადუქსინი

თითო აპკიანი გარსით დაფარული ტაბლეტი შეიცავს

აქტიურ ნივთიერებას ფლურბიპროფენს --------------100 მგ

სხვა ინგრედიენტები: ლაქტოზას მონოჰიდრატი, PVP K 30, მიკროკრისტალური ცელულოზა პჰ 102, ნატრიუმის კროსკარმელოზა, კოლოიდური სილიკონის დიოქსიდი , მაგნიუმის სტეარატი, კოპოვიდონი, პოლიეთილინ გლიკოლი, ტიტანიუმის დიოქსიდი, პოლივინილ ალკოჰოლი, ცარცი, რკინის ყვითელი ოქსიდი, მონოპროპილენ გლიკოლი ფდ&ც ლურჯი #2 ალუმინის ლეიქი.

ფლურბიპროფენი ძლიერი ანთების საწინააღმდეგო არასტეროიდული საშუალებაა. იგი ფენილალკანოის მჟავას წარმოებულია და გააჩნია ტკივილგამაყუჩებელი და ანთების საწინააღმდეგო ეფექტი. მისი მოქმედების მექანიზმი დაკავშირებულია ფერმენტ ციკლოოქსიგენაზას ბლოკირების შედეგად პროსტაგლანდინების სინთეზის დათრგუნვასთან, რომლებიც წარმოადგენენ ტკივილის, ანთებისა და ტემპერატურული რეაქციის მედიატორებს.

ფარმაკოკინეტიკა

შეწოვა: პერორალურად მიღების შემდეგ ფლურბიპროფენი სწრაფად შეიწოვება კუჭ-ნაწლავის ტრაქტიდან. სისხლის ცილებთან შეკავშირების ხარისხი შეადგენს 99%-ს.

მაქსიმალურ აღწევს კონცენტრციას პლაზმაში დაახლოებით 1,5 საათში. საკვების მიღება არ მოქმედებს პრეპარატის ბიოშეღწევადობაზე. ნახევრადგამოყოფის პერიოდი შეადგენს 6 საათს.

განაწილება, მეტაბოლიზმი და გამოყოფა: ფლურბიპროფენი თითქმის სრულად განიცდის მეტაბოლიზმს. გამოიყოფა ძირითადად შარდთან ერთად თავისუფალი და შეკავშირებული სახით (20%) და ჰიდროქსილირებული მეტაბოლიტების სახით (50%). სისხლის ცილებთან შეკავშირების ხარისხი შეადგენს 99%-ს.

თავის ტკივილი, კბილის ტკივილი, ნევრალგია;

რევმატოიდური ართრიტის, ოსტეოართრიტის, მაანკილიზებული სპონდილიტის, მწვავე პოდაგრული ართრიტის, ართრალგიის, ართროზის, მწვავე რადიკულიტის და ლუმბაგოს გადაუდებელი და ხანგრძლივი სიმპტომატური მკურნალობა;

პრეპარატი ნაჩვენებია ტკივილისა და ანთების სიმპტომების შემსუბუქების მიზნით ქირურგიული ოპერაციებისა და რბილი ქსოვილების ტრავმებისას;

პრეპარატი ნაჩვენებია ტკივილისა და ანთების სიმპტომების შემსუბუქების მიზნით ოტორინოლარინგოლოგიასა და სტომატოლოგიაში.

დისმენორეა;

რეკომენდებული სადღეღამისო დოზები:

ერთჯერადი დოზა შეადგენს 50 – 200 მგ-ს.

დისმენორეა:

საწყისი დოზაა 100მგ, შემდგომში 50 ან 100მგ ყოველ 4-6 სთ-ში.

მაქსიმალური სადღეღამისო დოზა არ აღემატება 300მგ-ს.

15 წლამდე ასაკის ბავშვებში პრეპარატის მიღება არარეკომენდებულია, ვინაიდან მისი ეფექტურობა და უსაფრთხოება დადგენილი არ არის.

აღწერილი გვერდითი მოვლენები ატარებენ მსუბუქ და დროებით ხასიათს პრეპარატის თერაპიული დოზის გამოყენებისას. შესაძლებელია განვითარდეს დისპეფსია, გულისრევა, ღებინება, მუცლის ტკივილი, დიარეა, ყაბზობა, ურტიკარია, თავბუსხვევა, რინიტი.

გაუთვალისწინებელი ეფექტების გამოვლენისას მიმართეთ ექიმს.

ფლურბიპროფენის მიმართ მომატებული მგრძნობელობა,

პრეპარატი უკუნაჩვენებია აგრეთვე იმ პაციენტებში, რომლებიც ამჟღავნებენ მომატებული მგრძნობელობის რეაქციებს (მაგ. ბრონქოსპაზმი, რინიტი, ურტიკარია) ფლურბიპროფენის, ასპირინის ან სხვა ანთების საწინააღმდეგო არასტეროიდული პრეპარატების მიღების დროს.

ორსულები I და II ტრიმესტრი კატეგორია ჩ ,( III ტრიმესტრი კატეგორია D):

ფლურბიპროფენის გამოყენება ორსულობის პერიოდში რეკომენდებული არ არის, რადგანაც სათანადო კვლევა ადამიანებში ჩატარებული არ არის. პროსტაგლანდინების ინჰიბიტორები უარყოფითად მოქმედებენ ახალშობილზე, ამიტომ ლაქტაციის დროს პრეპარატის მიღება არ არის სასურველი.

სხვა ანთების საწინააღმდეგო არასტეროიდული პრეპარატების მსგავსად, ფლურბიპროფენი სიფრთხილით ინიშნება:

პაციენტებში კუჭ-ნაწლავის ტრაქტის, ღვიძლის და თირკმელების დაავადებებით;

პაციენტებში გულის უკმარისობით, ჰიპერტონიით და სხვა დაავადებებით შესაძლებელი შეშუპებისა და სითხის შეკავების შესაძლო განვითარების გამო;

პაციენტებში კუჭ-ნაწლავის ტრაქტიდან სისხლდენის პოტენციური რისკით, რადგანაც შესაძლებელია ფლურბიპროფენმა გაახანგრძლივოს სისხლისდენის დრო;

ხანდაზმულ პაციენტებში გვერდითი მოვლენების განვითარების შედარებით მაღალი რისკის გამო.

პრეპარატის ეფექტურობა და უსაფრთხოება ბავშვებში დადგენილი არ არის.

ფარმაკოდინამიურ და უსაფრთხოების საერთო პროფილზე დაყრდნობით ფლურბიპროფენის გავლენა ავტომობილის მართვასა და იმ სამუშაოს შესრულებაზე, რომელიც მოითხოვს ყურადღების კონცენტრირებას, ნაკლებადსავარაუდოა.

ფლურბიპროფენის მიმართ სპეციფიური ანტიდოტი არ არსებობს. ჭარბი დოზირების სიპტომებია: სუნთქვის გათრგუნვა, გულისრევა, ტკივილი ეპიგასტრიუმში, თავის ტკივილი და თავბრუსხვევა. ჭარბი დოზირებისას საჭიროა კუჭის ამორეცხვა და სიმპტომატური მკურნალობა.

ფლურბიპროფენმა შესაძლოა შეამციროს ფუროსემიდის ტიპის პრეპარატების დიურეზული ეფექტი.

სხვა აასს-ს მსგავსად სიფრთხილით ინიშნება ანტიკოაგულანტებთან ერთად სისხლდენის განვითარების რისკის გამო. ასპირინისა და ფლურბიპროფენის ერთდროული მიღებისას ამ უკანასკნელის კონცენტრაცია პლაზმაში მცირდება 50%-ით. ამიტომ მათი ერთად მიღება რეკომენდებული არ არის.

შესაძლებელია სისხლის პლაზმაში ციკლოსპორინების, დიგოქსინის, ლითიუმის და მეტოტრექსატის კონცენტრაციის მომატება.

შესაძლებელია აგფ ინჰიბიტორების გვერდითი მოვლენების გაძლიერება.

პრეპარატის ალკოჰოლთან ერთად მიღება რეკომენდებული არ არის.

ლადუქსინი - 100მგ აპკიანი გარსით დაფარული ტაბლეტები , 3 ბლისტერი ( 5 გარსიანი ტაბლეტი ბლისტერზე) გამოყენების ინსტრუქციასთან ერთად შეფუთული მუყაოს ყუთში.

პრეპარატი ინახება სინათლისაგან და ნესტისაგან დაცულ ადგილას ოთახის ტემპერატურაზე 25°ჩ - მდე.

შენახვის ვადა:

ვარგისიანობის ვადა _ 3 წელი.

პრეპარატი არ გამოიყენება შეფუთვაზე მითითებული ვადის ამოწურვის შემდეგ.

პრეპარატი გაიცემა ურეცეპტოდ.