კარდიომაგნილი

ერთი ტაბლეტი შეიცავს

მოქმედ ნივთიერებას:

აცეტილსალიცილის მჟავას - 75 მგ/150 მგ

მაგნიუმის ჰიდროქსიდს - 15,2 მგ/30,39 მგ

დამხმარე ნივთიერებებს:

სიმინდის სახამებელს - 9,5 მგ/19,0 მგ

მიკროკრისტალურ ცელულოზას - 12,5 მგ/25,0 მგ

მაგნიუმის სტეარატს - 150 მკგ/305 მკგ

კარტოფილის სახამებელს - 2,0 მგ/4,0 მგ

გარსი

ჰიპრომელოზა

(მეთილჰიდროქსიპროპილცელულოზა 15) - 460 მკგ/1,2 მგ

პროპილენგლიკოლი - 90 მკგ/240 მკგ

ტალკი - 280 მკგ/720 მკგ

აპკიანი გარსით დაფარული ტაბლეტები, რომლებიც შეიცავენ 75მგ/15,2მგ აცეტილსალიცილის მჟავას და მაგნიუმის ჰიდროქსიდს, შესაბამისად: აპკიანი გარსით დაფარული ტაბლეტები, თეთრი ფერის სტილიზებული “გულის” ფორმის.

აპკიანი გარსით დაფარული ტაბლეტები, რომლებიც შეიცავენ 150მგ/30,39მგ აცეტილსალიცილის მჟავას და მაგნიუმის ჰიდროქსიდს, შესაბამისად: აპკიანი გარსით დაფარული ტაბლეტები, თეთრი ფერის, ოვალური ფორმის, ცალ მხარეს ნაზოლით.

ანტიაგრეგანტული საშუალება

ათქ კოდი: B01AC30

აცეტილსალიცილის მჟავას მოქმედების მექანიზმს საფუძვლად უდევს ციკლოოქსიგენაზას (ცოგ-1) შეუქცევადი ინჰიბირება, რის შედეგადაც ხდება თრომბოქსან A2-ის სინთეზის ბლოკირება და ტრომბოციტების აგრეგაციის დათრგუნვა. ითვლება, რომ აცეტილსალიცილის მჟავას გააჩნია თრომბოციტების აგრეგაციის დათრგუნვის სხვა მექანიზმებიც, რაც აფართოვებს მისი გამოყენების სფეროს სხვადასხვა სისხლძარღვოვანი დაავადებების დროს. აცეტილსალიცილის მჟავას ასევე გააჩნია ანთების საწინააღმდეგო, ტკივილგამაყუჩებელი, სიცხის დამწევი ეფექტი. კარდიომაგნილის შემადგენლობაში შემავალი მაგნიუმის ჰიდროქსიდი იცავს კუჭ-ნაწლავის ტრაქტის ლორწოვან გარსს აცეტილსალიცილის მჟავას ზემოქმედებისაგან.

კუჭ-ნაწლავის ტრაქტიდან აცეტილსალიცილის მჟავა პრაქტიკულად მთლიანად შეიწოვება. აცეტილსალიცილის მჟავას ნახევრად გამოყოფის პერიოდი შეადგენს დაახლოებით 15 წუთს, რადგანაც ფერმენტების მონაწილეობისას აცეტილსალიცილის მჟავა სწრაფად ჰიდროლიზდება სალიცილის მჟავაში ნაწლავებში, ღვიძლში და სისხლის პლაზმაში. სალიცილის მჟავას ნახევრად გამოყოფის პერიოდი შეადგენს დაახლოებით 3 საათს, მაგრამ ის შეიძლება მნიშვნელოვნად გაიზარდოს აცეტილსალიცილის მჟავას დიდი დოზების (3,0გ-ზე მეტი) ერთდროულად შეყვანის დროს ფერმენტული სისტემების გაჯერების შედეგად.

აცეტილსალიცილის მჟავას ბიომისაწვდომობა შეადგენს დაახლოებით 70%-ს, მაგრამ ეს სიდიდე მნიშვნელოვნად მერყეობს, რადგანაც აცეტილსალიცილის მჟავა ექვემდებარება პრესისტემურ ჰიდროლიზს (კუჭ-ნაწლავის ტრაქტის ლორწოვანი, ღვიძლი) სალიცილის მჟავაში ფერმენტების ზემოქმედებით. სალიცილის მჟავას ბიომისაწვდომობა შეადგენს 80-100%-ს.

მაგნიუმის ჰიდროქსიდის გამოყენებადი დოზები არ მოქმედებენ აცეტილსალიცილის მჟავას ბიომისაწვდომობაზე.

გულ-სისხლძარღვთა დაავადებების პირველადი პროფილაქტიკა, როგორიცაა თრომბოზი და გულის მწვავე უკმარისობა რისკის ფაქტორების არსებობისას (მაგალითად, შაქრიანი დიაბეტი, ჰიპერლიპიდემია, არტერიული ჰიპერტენზია, სიმსუქნე, მოწევა, ხანდაზმული ასაკი).

მიოკარდის განმეორებითი ინფარქტის და სისხლძარღვების თრომობოზის პროფილაქტიკა.

თრომბოემბოლიის პროფილაქტიკა სისხლძარღვებზე ქირურგიული ჩარევების შემდეგ (აორტოკორონარული შუნტირება, კანიდან ტრანსლუმინალური კორონარული ანგიოპლასტიკა).

არასტაბილური სტენოკარდია.

მომატებული მგრძნობელობა აცეტილსალიცილის მჟავას, პრეპარატის დამხმარე ნივთიერებების და სხვა არასტეროიდული ანთების საწინააღმდეგო პრეპარატების მიმართ, სისხლჩაქცევა თავის ტვინში; მიდრეკილება სისხლდენებისადმი (K ვიტამინის უკმარისობა, თრომბოციტოპენია, ჰემორაგიული დიათეზი); ბრონქიალური ასთმა, ინდუცირებული სალიცილატების და არასტეროიდული ანთების საწინააღმდეგო პრეპარატების მიღებით; კუჭ-ნაწლავის ტრაქტის ეროზიულ-წყლუყლოვანი დაზიანება (გამწვავების სტადიაში); სისხლდენა კუჭ-ნაწლავიდან; თირკმელების მძიმე უკმარისობა (კრეატინინის კლირენსი 10მლ/წთ-ზე ნაკლები); ორსულობა (I და III ტრიმესტრები); ლაქტაციის პერიოდი; გლუკოზო-6-ფოსფატდეჰიდროგენაზას დეფიციტი; მეტოტრექსატთან ერთდროული მიღება (15მგ-ზე მეტი კვირაში); 18 წლამდე საბავშვო ასაკი.

სიფრთხილით

პოდაგრას, ჰიპერურიკემიის დროს, ანამნეზში კუჭ-ნაწლავის ტრაქტის წყლულოვანი დაზიანებების ან კუჭ-ნაწლავიდან სისხლდენების, თირკმელების და/ან ღვიძლის უკმარისობის, ბრონქიალური ასთმის, თივის ციების, ცხვირის პოლინოზის, ალერგიული მდგომარეობების არსებობისას, ორსულობის II ტრიმესტრის პერიოდში.

გამოყენება ორსულობის დროს და ძუძუთი კვების პერიოდში

სალიცილატების დიდი დოზების გამოყენება ორსულობის პირველი 3 თვის განმავლობაში ასოციირდება ნაყოფის განვითარების დეფექტების მომატებულ სიხშირესთან. ორსულობის II ტრიმესტრში სალიცილატების დანიშვნა შეიძლება მხოლოდ რისკის და სარგებელის მკაცრი შეფასების გათვალისწინებით.

ორსულობის ბოლო ტრიმესტრში სალიცილატები მაღალი დოზებით (მეტი 300მგ/დღეში) იწვევენ მშობიარობის შეფერხებას, ნაყოფის არტერიული სადინარის ნაადრევ დახურვას, მომატებულ სისლხდენას დედებში და ნაყოფში, უშუალოდ მშობიარობის წინ დანიშვნამ კი შეიძლება გამოიწვიოს ქალაშიდა სისხლჩაქცევა, განსაკუთრებით დღენაკლულ ბავშვებში. სალიცილატების დანიშვნა ორსულობის ბოლო ტრიმესტრში უკუნაჩვენებია.

მისაწვდომი კლინიკური მონაცემი არ არის საკმარისი პრეპარატის გამოყენების შესაძლებლობის ან შეუძლებლობის დასადგენად ძუძუთი კვების პერიოდში. ძუძუთი კვების პერიოდში აცეტილსალიცილის მჟავას დანიშვნის წინ აუცილებელია პრეპარატის თერაპიის პოტენციური სარგებელის შეფასება პოტენციურ რისკთან მიმართებაში ჩვილი ბავშვებისათვის.

ტაბლეტს ყლაპავენ მთლიანად, წყლის დაყოლებით. სურვილისამებრ შეიძლება ტაბლეტის შუაზე გაყოფა, დაღეჭვა ან წინასწარ დაფშვნა.

გულ-სისხლძარღვთა დაავადებების პირველადი პროფილაქტიკა, როგორიცაა თრომბოზი და გულის მწვავე უკმარისობა რისკის ფაქტორების არსებობისას (მაგალითად, შაქრიანი დიაბეტი, ჰიპერლიპიდემია, არტერიული ჰიპერტენზია, სიმსუქნე, მოწევა, ხანდაზმული ასაკი).

კარდიომაგნილის 1 ტაბლეტი, რომელიც შეიცავს აცეტილსალიცილის მჟავას 150მგ დოზით, პირველ დღეს, შემდეგ კარდიომაგნილის თითო ტაბლეტი, რომელიც შეიცავს აცეტილსალიცილის მჟავას დოზით 75მგ, 1 ჯერ დღეში.

მიოკარდის განმეორებითი ინფარქტის და სისხლძარღვების თრომობოზის პროფილაქტიკა.

კარდიომაგნილის 1 ტაბლეტი, რომელიც შეიცავს აცეტილსალიცილის მჟავას 75-150მგ დოზით, 1-ჯერ დღეში.

თრომბოემბოლიის პროფილაქტიკა სისხლძარღვებზე ქირურგიული ჩარევების შემდეგ (აორტოკორონარული შუნტირება, კანიდან ტრანსლუმინალური კორონარული ანგიოპლასტიკა)

კარდიომაგნილის 1 ტაბლეტი, რომელიც შეიცავს აცეტილსალიცილის მჟავას 75-150 მგ დოზით, 1 - ჯერ დღეში.

არასტაბილური სტენოკარდია

კარდიომაგნილის 1 ტაბლეტი, რომელიც შეიცავს აცეტილსალიცილის მჟავას 75-150 მგ დოზით, 1 - ჯერ დღეში.

გვერდითი მოქმედება

ქვემოთ მოყვანილი გვერდითი რეაქციების სიხშირე განისაზღვრებოდა შემდეგის შესაბამისად:

• ძალიან ხშირად 1/10;
• ხშირად 1/100, 1/10;
• ხანდახან 1/1000, 1/100;
• იშვიათად 1/10 000, 1/1000;
• ძალიან იშვიათად 1/10 000, ცალკეული შეტყობინებების ჩათვლით.

ალერგიული რეაქციები: ჭინჭრის ციება (ხშირად), კვინკეს შეშუპება (ხშირად).

იმუნური სისტემა: ანაფილაქსიური რეაქციები (ხანდახან).

კუჭ-ნაწლავის ტრაქტი: გულისრევა (ხშირად), გულძმარვა (ძალიან ხშირად), ღებინება (ხშირად), ტკივილის შეგრძნება მუცლის არეში, კუჭის და თორმეტგოჯა ნაწლავის ლორწოვანის გარსის წყლულები (ხანდახან), მათ შორის პერფორაციული (იშვიათად), სისხლდენები კუჭ-ნაწლავიდან (ხანდახან), ღვიძლისმიერი ფერმენტების აქტივობის ზრდა (იშვიათად), სტომატიტი (ძალიან იშვიათად), ეზოფაგიტი (ძალიან იშვიათად), კუჭ-ნაწლავის ტრაქტის ზედა განყოფილების ეროზიული დაზიანებები (ძალიან იშვიათად), სტრიქტურები (ძალიან იშვიათად), კოლიტი (ძალიან იშვიათად), გაღიზიანებული ნაწლავის სინდრომი (ძალიან იშვიათად).

სასუნთქი სისტემა: ბრონქოსპაზმი (ხშირად).

სისხლმბადი სისტემა: მომატებული სისხლდენა (ძალიან ხშირად), ანემია (იშვიათად), ჰიპოთრომბინემია (ძალიან იშვიათად), თრომბოციტოპენია (ძალიან იშვიათად), ნეიტროპენია, აპლასტიური ანემია (ძალიან იშვიათად), ეოზინოფილია (ძალიან იშვიათად), აგრანულოციტოზი (ძალიან იშვითად).

ცენტრალური ნერვული სისტემა: თავბრუსხვევა (ხანდახან), თავის ტკივილი (ხშირად), უძილობა (ხშირად), ძილიანობა (ხანდახან), ხმაური ყურებში, ინტრაცერებრალური სისხლჩაქცევა (იშვიათად).

ჭარბი დოზირების საშუალო სიმძიმის სიმპტომები: გულისრევა, ღებინება, ხმაური ყურებში, სმენის გაუარესება, თავბრუსხვევა, ცნობიერების არევა.

მკურნალობა: კუჭის ამორეცხვა, აქტივირებული ნახშირის მიღება. მკურნალობა სიმპტომატური.

ჭარბი დოზირების მძიმე ხარისხის სიმპტომები: ციებ-ცხელება, ჰიპერვენტილაცია, კეტოაციდოზი, რესპირატორული ალკალოზი, კომა, გულ-სისხლძარღვოვანი და სუნთქვის უკმარისობა, გამოხატული ჰიპოგლიკემია.

მკურნალობა: დაუყოვნებელი ჰოსპიტალიზაცია სპეციალიზირებულ განყოფილებებში სასწრაფო თერაპიის ჩასატარებლად - კუჭის ლავაჟი, მჟავა-ტუტოვანი ბალანსის განსაზღვრა, ტუტე და ფორსირებული ტუტე დიურეზი, ჰემოდიალიზი, ხსნარების შეყვანა, აქტივირებული ნახშირი, სიმპტომატური თერაპია. ტუტე დიურეზის ჩატარებისას აუცილებელია პH-ის მნიშვნელობების მიღწევა 7,5 და 8-ს შორის. ფორსირებული ტუტე დიურეზი უნდა ჩატარდეს, როდესაც სალიცილატების კონცენტრაცია პლაზმაში შეადგენს 500მგ/ლ-ზე მეტს (3,6 მმოლი/ლ) მოზრდილებში და 300მგ/ლ (2,2 მმოლი/ლ) ბავშვებში.

ურთიერთქმედება სხვა სამკურნალო პრეპარატებთან (იხ. ასევე ნაწილი “განსაკუთრებული მითითებები”)

ერთდროულად გამოყენებისას აცეტილსალიცილის მჟავა აძლიერებს შემდეგი სამკურნალო პრეპარატების მოქმედებას;

• მეტოტრექსატის, თირკმლისმიერი კლირენსის შემცირების და ცილებთან შეკავშირებიდან მისი გამოდევნის ხარჯზე;

• ჰეპარინისა და არაპირდაპირი კოაგულანტების, თრომბოციტების ფუნქციის დარღვევის და ცილებთან შეკავშირებიდან არაპირდაპირი კოაგილანტების გამოდევნის ხარჯზე;

• თრომბოლიზური, ანტიაგრეგანტული და ანტიკოაგულანტური პრეპარატებისა (ტიკლოპიდინის);

• დიგოქსინის, მისი თირკმლისმიერი ეკსკრეციის შემცირების შედეგად;

• პერორალურად მისაღები ჰიპოგლიკემიური საშუალებებისა (სულფონილშარდოვანას წარმოებულები) და ინსულინის, მაღალ დოზებში თვით აცეტილსალიცილის მჟავას ჰიპოგლიკემიური თვისებების და სისხლის პლაზმის ცილებთან შეკავშირებიდან სულფონილშარდოვანას წარმოებულების გამოდევნის ხარჯზე;

• ვალპროას მჟავასი, ცილებთან შეკავშირებიდან მისი გამოდევნის ხარჯზე.

აცეტილსალიცილმჟავას ერთდროული გამოყენება იბუპროფენთან იწვევს აცეტილსალიცილმჟავას კარდიოპროტექტორული ეფექტების შემცირებას.

ადიციური ეფექტი აღინიშნება აცეტილსალიცილმჟავას ერთდროული მიღებისას ეთანოლთან (ალკოჰოლთან).

აცეტილსალიცილმჟავა ასუსტებს ურიკოზურიული საშუალებების (ბენზბრომარონის) მოქმედებას, შარდმჟავას კონკურენტული ტუბულარული ელიმინაციის შედეგად.

აძლიერებენ რა სალიცილატების ელიმინაციას, სისტემური გლუკოკორტიკოსტეროიდები ასუსტებენ მათ მოქმედებას.

ანტაციდები და ქოლესტირამინი ამცირებენ პრეპარატის შეწოვას.

მეტამიზოლმა შეიძლება შეამციროს აცეტილსალიცილმჟავას ეფექტი თრომბოციტების აგრეგაციის თვალსაზრისით ერთდროული მიღებისას. ამიტომ, ასეთი კომბინაცია გამოყენებული უნდა იყოს სიფრთხილით იმ პაციენტებში, რომლებიც იღებენ აცეტილსალიცილმჟავას დაბალ დოზებს კარდიოპროტექციისთვის.

პრეპარატის გამოყენება რეკომენდებულია ექიმის დანიშნულების შემდეგ.

აცეტილსალიცილის მჟავას შეუძლია ბრონქოსპაზმის პროვოცირება, ასევე ბრონქიალური ასთმის შეტევის გამოწვევა და მომატებული მგრძნობელობის სხვა რეაქციებისა. რისკის ფაქტორებს წარმოადგენენ ანამზენში ბრონქიალური ასთმის, თივის ციების, ცხვირის პოლინოზის, სასუნთქი სისტემის ქრონიკული დაავადებების, ასევე სხვა პრეპარატებზე ალერგიული რეაქციების (მაგალითად, კანის რეაქციები, ქავილი, ჭინჭრის ციება) არსებობა.

აცეტილსალიცილის მჟავას შეუძლია სხვადასხვა ხარისხის გამოხატულების სისხლდენის გამოწვევა ქირურგიული ჩარევის დროს ან მის შემდეგ. დაგეგმილ ქირურგიულ ჩარევამდე რამდენიმე დღით ადრე უნდა იქნას შეფასებული სისხლდენის განვითარების რისკი იშემიური გართულებების განვითარების რისკთან შედარებით პაციენტებში, რომლებიც იღებენ აცეტილსალიცილის მჟავას დაბალ დოზებს. თუ სისხლდენის განვითარების რისკი მნიშვნელოვანია, აცეტილსალიცილის მჟავას მიღება დროებით უნდა შეწყდეს.

აცეტილსალიცილის მჟავას კომბინაციას ანტიკოაგულანტებთან, თრომბოლიტიკებთან და ანტითრომბოციტარულ პრეპარატებთან ახლავს სისხლდენების განვითარების მომატებული რისკი.

აცეტილსალიცილის მჟავამ შეიძლება მოახდინოს პოდაგრას პროვოცირება განწყობილ პაციენტებში (რომლებსაც გააჩნიათ შარდმჟავას დაქვეითენული ეკსკრეცია).

აცეტილსალიცილის მჟავას კომბინაციას მეტოტრექსატთან ახლავს გვერდითი ეფექტების განვითარების მიმატებული სიხშირე სისხლმბადი ორგანოების მხრივ.

აცეტილსალიცილის მჟავას მაღალი დოზები ახდენენ ჰიპოგლიკემიურ ეფექტს, რაც უნდა იქნას გათვალისწინებული მისი დანიშვნისას პაციენტებისათვის შაქრიანი დიაბეტით, რომლებიც იღებენ პერორალურად მისაღებ ჰიპოგლიკემიურ საშუალებებს და ინსულინისა.

სისტემური გლუკოკორტიკოსტეროიდების და სალიცილატების კომბინირებული გამოყენებისას უნდა გვახსოვდეს, რომ მკურნალობის დროს სალიცილატების კონცენტრაცია სისხლში დაქვეითებულია, სისტემური გლუკოკორტიკოსტეროიდების მოხსნის შემდეგ კი შესაძლებელია სალიცილატების ჭარბი დოზირება.

არ არის რეკომენდირებული აცეტილსალიცილის მჟავას კომბინირება იბუპროფენთან პაციენტებში გულ-სისხლძარღვთა დაავადებების მომატებული რისკით: იბუპროფენთან ერთდროულად გამოყენებისას აღინიშნება აცეტილსალიცილის მჟავას ანტიაგრეგანტული მოქმედების შემცირება 300მგ-მდე დოზებში, რაც იწვევს აცეტილსალიცილის მჟავას კარდიოპროტექტორული ეფექტების შემცირებას.

აცეტილსალიცილის მჟავას დოზის რეკომენდირებულ თერაპიულ დოზებზე გადამეტება დაკავშირებულია კუჭ-ნაწლავიდან სისხლდენის რისკთან.

აცეტილსალიცილის მჟავას დაბალის დოზების ხანგრძლივი დროის მანძილზე მიღებისას აგრეგანტული თერაპიის სახით აუცილებელია სიფრთხილის დაცვა ხანდაზმული ასაკის პაციენტებში კუჭ-ნაწლავის ტრაქიდან სისხლდენის განვითარების რისკთან დაკავშირებით.

აცეტილსალიცილის მჟავას ალკოჰოლთან ერთდროულად მიღებისას მომატებულია კუჭ-ნაწლავის ტრაქტის ლორწოვანი გარსის დაზიანების და სისხლდენის დროის გახანგრძლივების რისკი.

აცეტილსალიცილის მჟავას პრეპარატებით მკურნალობისას აუცილებელია სიფრთხილის დაცვა სატრანსპორტო საშუალებების მართვის და პოტენციურად სახიფათო საქმიანობით დაკავების დროს, რომლებიც საჭიროებენ ყურადღების მომატებულ კონცენტრაციას და ფსიქომოტორული რეაქციების სისწრაფეს.

აპკიანი გარსით დაფარული ტაბლეტები 75მგ + 15,2მგ და 150მგ + 30,39მგ

30 ან 100 ტაბლეტი ყავისფერ შუშის ფლაკონებში, რომლებიც დახუფულია თეთრი ფერის ხრახნიანი თავსახურით (პოლიეთილენის), ჩამონტაჟებული მოსახსნელი კაფსულით სილიკაგელით და რგოლით, რომელიც უზრუნველყოფს პირველი გახსნის კონტროლს. თითოეულ ფლაკონზე მიმაგრებულია ეტიკეტი. ერთი ფლაკონი გამოყენების ინსტრუქციასთან ერთად მოთავსებულია მუყაოს კოლოფში.

ინახება სინათლისაგან დაცულ ადგილას, არაუმეტეს 25°C.

ინახება ბავშვებისათვის მიუწვდომელ ადგილას.

3 წელი.

ნუ გამოიყენებთ ვარგისიანობის ვადის გასვლის შემდეგ.

ფარმაცევტული პროდუქტის ჯგუფი - III, გაიცემა რეცეპტის გარეშე