ნაზივინი ნაზალური სპრეი

ხსნარის 1 მლ შეიცავს:

აქტიური ნივთიერება:

ოქსიმეთაზოლინის ჰიდროქლორიდი 0.500 მგ

დამხმარე საშუალებები:

ლიმონმჟავას მონოჰიდრატი 0.6093 მგ

ნატრიუმის ციტრატის დიჰიდრატი 3.823 მგ

გლიცეროლი (85%) 24.348 მგ

ბენზალკონიუმის ქლორიდი

(50% ხსნარი) 0.100 მგ

გასუფთავებული წყალი 978.600 მგ

ხსნარი თითქმის გამჭვირვალე, თითქმის უფეროდან ღია ყვითელ ფერამდე.

ანტიკონგესტიური საშუალება – ვაზოკონსტრიქტორი (ალფა-ადრენომიმეტიკი).

ათქ კოდი: R01AA05.

ნაზივინი (ოქსიმეთაზოლინი) ახდენს სისხლძარღვების შემავიწროვებელ მოქმედებას. ცხვირის ანთებით ლორწოვანაზე ადგილობრივად წასმისას ამცირებს შეშუპებას და ცხვირიდან გამონადენს.

ლორწოვანას შეშუპების მოხსნა ხელს უწყობს ცხვირის ნესტოების, შუა ყურის ღრუს აერაციის აღდგენას, რაც ახდენს ბაქტერიული გართულებების განვითარების პრევენციას (ჰაიმპორიტის, სინუსიტის, შუა ოტიტს).

ადგილობრივი ინტრანაზალური გამოყენებისას თერაპიული კონცენტრაციებით არ აღიზიანებს ლორწოვანას, არ იწვევს ჰიპერემიას.

ადგილობრივი ინტრანაზალური გამოყენებისას პრეპარატს არ გააჩნია სისტემური მოქმედება.

პრეპარატი მოქმედებას იწყებს სწრაფად (რამდენიმე წუთში).

ნაზივინის მოქმედება გრძელდება 12 საათამდე.

• მწვავე რესპირატორული დაავადებების მკურნალობა, რომლებსაც თან ახლავს სურდო

• ალერგიული რინიტი

• ვაზომოტორული რინიტი

• დრენაჟის აღსადგენად ცხვირის ღრუს ცხვირის ნესტოების ანთების, ევსტაქიიტის, შუა ოტიტის დროს

• შეშუპების მოსახსნელად ცხვირის გასასვლელებში დიაგნოსტიკურ მანიპულაციებამდე.

ატროფიული რინიტი; დახურულკუთხოვანი გლაუკომა; მომატებული მგრძნობელობა პრეპარატის კომპონენტებისადმი.

6 წლამდე ბავშვთა ასაკი.

სიფრთხილით

იმ პაციენტებში, რომლებიც იღებენ მონოამინოოქსიდაზას ინჰიბიტორებს და სხვა პრეპარატებს, რომლებიც ხელს უწყობენ არტრიული წნევის მომატებას მათი მიღების შემდეგ 10 დღემდე პერიოდში; მომატებული თვალის შიდა წნევის, გამოხატული ათეროსკლეროზის, ტაქიკარდიის, ფეოქრომოციტომის, ორსულობისა და ლაქტაციის დროს, გულ-სისხლძარღვთა დაავადებების მძიმე ფორმების დროს (ჰიპერტენზია, სტენოკარდია); თირეოტოქსიკოზისა და შაქრიანი დიაბეტის დროს.

ორსულობის ან ლაქტაციის პერიოდში გამოყენებისას არ შეიძლება რეკომენდებული დოზირების გადამეტება. პრეპარატი გამოიყენება მხოლოდ დედისა და ნაყოფისათვის რისკისა და სარგებლის ურთიერთმიმართების გულდასმითი შეფასების შემდეგ.

მოზრდილები და ბავშვები 6 წლამდე:

1 შესხურება თითოეულ ნესტოში დღე-ღამეში 2-3-ჯერ. პრეპარატი გამოიყენება 5-7 დღე.

რეკომენდებულზე მაღალი დოზები გამოიყენება მხოლოდ ექიმის მეთვალყურეობით.

ზოგჯერ:

ცხვირის გარსების წვა ან სიმშრალე, ცემინება.

იშვიათ შემთხვევებში:

მას შემდეგ, რაც გავა ნაზივინის გამოყენების ეფექტი, აღინიშნება ცხვირის “გაჭედილობის” ძლიერი გრძნობა (რეაქციული ჰიპერემია). მრავალჯერადი ზედოზირება ადგილობრივი ნაზალური გამოყენებისას ზოგჯერ იწვევს ისეთ სისტემურ სიმპატომიმეტიკურ ეფექტებს, როგორიცაა პულსის გახშირება (ტაქიკარდია) და არტერიული წნევის მომატება. ძალიან იშვიათად აღინიშნა შფოთვა, უძილობა, დაღლილობა, თავის ტკივილები და გულისრევა.

სისხლძარღვების შემავიწროვებელი პრეპარატების ხანგრძლივმა უწყვეტმა გამოყენებამ შეიძლება გამოიწვიოს ტაქიფილაქსია, ცხვირის ღრუს ლორწოვანი გარსის ატროფია და ცხვირის ლორწოვანის შექცევადი შეშუპება (მედიკამენტოზური რინიტი).

ჭარბი დოზა

მნიშვნელოვანი ზედოზირების ან შემთხვევით შიგნით მიღების შემდეგ შეიძლება განვითარდეს შემდეგი სიმპტომები: გუგების შევიწროვება, გულისრევა, ღებინება, ციანოზი, ტემპერატურის მომატება, ტაქიკარდია, არითმია, კოლაფსი, გულის მუშაობის დათრგუნვა, არტერიული ჰიპერტენზია, ფილტვების შეშუპება, სუნთქვის დარღვევები. გარდა ამისა, შეიძლება აღინიშნოს ფსიქიკური აშლილობები, აგრეთვე ცენტრალური ნერვული სისტემის ფუნქციის დათრგუნვა, რასაც თან ახლავს ძილიანობა, სხეულის ტემპერატურის დაწევა, ბრადიკარდია, არტერიული ჰიპოტენზია, სუნთქვის გაჩერება და კომის შესაძლო განვითარება.

შიგნით მიღებასთან დაკავშირებით ჭარბი დოზირებისას ინიშნება კუჭის გამორეცხვა, აქტივირებული ნახშირი.

მაო ბლოკატორებისა და ტრიციკლური ანტიდეპრესანტების ერთდროული გამოყენებისას – არტერიული წნევის მომატება.

სისხლძარღვების შემავიწროვებელი სხვა სამკურნალო საშუალებების იმავდროულად მიღებისას მატულობს გვერდითი ეფექტების განვითარების რისკი.

თავიდან უნდა იქნას აცილებული პრეპარატის ხანგრძლივად გამოყენება და ზედოზირება, განსაკუთრებით ბავშვებში.

ოქსიმეთაზოლინის შემცველი სურდოს საწინააღმდეგო საშუალებების ხანგრძლივად გამოყენებისას რეკომენდებულზე მაღალი დოზებით არ არის გამორიცხული საერთო ზემოქმედება გულ-სისხლძარღვთა სისტემაზე და ცენტრალურ ნერვულ სისტემაზე. ასეთ შემთხვევებში შეიძლება დაქვეითდეს სატრანსპორტო საშუალებებისა და მექანიზმების მართვის უნარი.

გამოშვები ფორმა

ნაზალური სპრეი 0.05%.

10 მლ თეთრი ფერის პოლიეთილენის ფლაკონი შემასხურებელი მოწყობილობით, ხრახნიანი თეთრი ფერის პოლიეთილენის თავსახურით. 1 ფლაკონი გამოყენების ინსტრუქციასთან ერთად მოთავსებულია მუყაოს კოლოფში.

შენახვა

ინახება არა უმეტეს 25oC-ზე.

ინახება ბავშვებისაგან მიუწვდომელ ადგილას.

3 წელი.

არ გამოიყენება ვარგისიანობის ვადის გასვლის შემდეგ.

რეცეპტის გარეშე.