ტოქსივენოლი

საერთაშორისო არაპატენტირებული დასახელება ან ჯგუფური დასახელება

ტროქსერუტინი + კარბაზოქრომი

Troxerutin + Carbazochrome

სამკურნალწამლო ფორმა

საინექციო ხსნარი.

აღწერილობა: გამჭვირვალე, ნარინჯისფერი ფერის ხსნარი.

1 ამპულა შეიცავს

აქტიური ნივთიერებები: ტროქსერუტინი 150 მგ, კარბაზოქრომი 1,5 მგ.

დამხმარე ნივთიერებები: ნატრიუმის ქლორიდი, ნატრიუმის ჰიდროქსიდი და/ან ქლორწყალბადმჟავა, საინექციო წყალი.

პრეპარატის ათქ კოდი С05СА54

ანგიოპროტექტორები. კაპილარების მასტაბილიზირებელი საშუალებები. ბიოფლავონოიდები. ტროქსერუტინი, კომბინაციები.

პრეპარატის მოქმედება განპირობებულია მის შემადგენლობაში შემავალი ტროქსერუტინით და კარბაზოქრომით.

ტროქსერუტინი (ტრიჰიდროქსიეთილრუტოზიდი), ასევე ცნობილია როგორც ვიტამინი P4, წარმოადგენს ბიოფლავონოიდს, რომელიც ზრდის რა სისხლძარღვთა რეზისტენტობას და უზრუნველყოფს კაპილარო-პროტექტორული მოქმედებას და ამცირებს მათ გამტარობას, ხელს უშლის სისხლის თხევადი კომპონენტების ქსოვილებში გადაჭარბებულ შეღწევას და უზრუნველყოფს შეშუპების საწინააღმდეგო მოქმედებას.

ბიოფლავონოიდების მოქმედების მექანიზმი დაფუძნებულია მრავალფაქტორულ ჰიპოთეზებზე:

სისხლძარღვთა შემავიწროვებელი მოქმედება პრეკაპილარულ სფინქტერზე;

ადრენალინის მოქმედების პოტენცირება;

ასკორბინის მჟავას დონის გაზრდა არაპირდაპირი მოქმედების გზით;

ჰისტამინზე ანტაგონისტური მოქმედება;

ჰიალურონიდაზას დათრგუნვა.

ამჟამად,მეტნაკლებად აღიარებული ჰიპოთეზა მდგომარეობს იმაში, რომ ტორქსერუტინი ხელს უწყობს ადრენალინის კონცენტრაციის მუდმივობას სისხლის მიმოქცევაში, კატექინ-O-მეთილტრანსფერაზას მიერ ნეირომედიატორის კატაბოლიზმის დათრგუნვის გზით. რის შედეგადაც ადრენალინი ახდენს პერიფერიულ ვაზოკონსტრიქტორულ მოქმედებას, ძირითადად მცირე ზომის არტერიებზე პრეკაპილარული სფინქტერის ბლოკირებით. შედეგად ხდება სისხლის ნაკადის მნიშვნელოვანი შემცირება კაპილარული ვაკუუმის მდგომარეობაში, რაც გამორიცხავს გამტარიანობას, სისხლძარღვებსა და ქსოვილებს შორის გაცვლის შეუძლებლობის გამო.

გარდა იმისა, რომ მოქმედებს ნორეპინეფრინის კატაბოლიზმზე, აძლიერებს C ვიტამინის მოქმედებას, რომელსაც აქვს დამცავი ეფექტი მემბრანის გამტარიანობაზე და აინჰიბირებს ჰიალურონიდაზას, რომელიც აქტივაციის შემდეგ ახდენს ჰიალურონის მჟავას (მუკოპოლისაქარიდი, რომელიც უზრუნველყოფს სისხლძარღვების კედლების სიმკვრივეს) მეტაბოლიზმს. გარდა ამისა, იგი აფერხებს ჰისტამინის გამოთავისუფლებას, რომელიც წარმოადგენს სისხლძარღვების გამაფართოებელ და შეშუპების ხელმშეწყობ აგენტს, რაც ამცირებს კაპილარების გამტარიანობას.

კარბაზოქრომი (ადრენოქრომული ნახევრადკარბაზონი), ორთოქინონი, რომელიც არის ადრენალინის წარმოებული და მიღებულია გვერდითი ჯაჭვის დაჟანგვით და ციკლიზაციით, სრულიად მოკლებულია სიმპათომიმეტურ მოქმედებას ფუნქციური მეორადი ამინო ჯგუფისა და ორთო-დიფენოლის ჯგუფის არარსებობის გამო. ის ამცირებს სისხლდენის დროს მცირე სისხლძარღვების ადგილობრივი ვაზოკონსტრიქციით სისხლდენის მიდამოში არტერიული წნევის გაზრდის გარეშე. ნაჩვენებია, რომ კარბაზოქრომი პირდაპირ გავლენას ახდენს კაპილარების წინააღმდეგობასა და გამტარიანობაზე, სისხლძარღვთა ტონუსსა და სისხლძარღვთა შეკუმშვაზე.

ტროქსერუტინისა და კარბაზოქრომის კომბინაციას, ურთიერთშემავსებელი ფარმაკოლოგიური და თერაპიული თვისებების გამო, აქვს სისხლის შემაჩერებელი მოქმედება (ჰემოსტაზი) და ანგიოპროტექტორული ეფექტი.

მონაცემები არ არსებობს.

ვენური უკმარისობის სიმპტომური მკურნალობა და მდგომარეობები, რომლებიც დაკავშირებულია კაპილარების მომატებულ სისუსტესთან.

რეკომენდებული სადღეღამისო დოზა შეადგენს 3-9 მლ (1-3 ამპულა) ინტრამუსკულარულად.

ამპულის შემცველობა არ უნდა შეერიოს ასკორბინის მჟავას შემცველ სხვა ხსნარებს.

არ უნდა გამოვიყენოთ ორმაგი დოზა პრეპარატის გამოტოვებული დოზის შესავსებად.

მომატებული მგრძნობელობა აქტიური ნივთიერებების და პრეპარატის დამხმარე ნივთიერებების მიმართ.

არასასურველი რეაქციები

პრეპარატის არასწორი მეთოდით გამოყენებისას (ინტრადერმალურად ან კანქვეშ) შესაძლებელია განვითარდეს უცნობი სიხშირით კანის გაღიზიანება (შეყვანის ადგილას შეწითლება და გენერალიზებული ერითემა).

პრეპარატი არ უნდა გამოვიყენოთ ინტრადერმალურად ან კანქვეშ (მეზოთერაპია), რადგან არ ჩატარებულა კონტროლირებადი კლინიკური კვლევები პრეპარატის ეფექტურობისა და უსაფრთხოების შესახებ შეყვანის ამ მეთოდებით.

შეტყობინებები საეჭვო გვერდითი რეაქციების შესახებ

მნიშვნელოვანია სამკურნალო საშუალების რეგისტრაციის შემდეგ, საეჭვო გვერდითი რეაქციების შესახებ შეტყობინებები. თუ პაციენტს გამოუვლინდა სერიოზული გვერდითი რეაქცია სამკურნალო საშუალების მიმართ ან ახალი გვერდითი რეაქცია, რომელიც აღწერილი არ არის ამ განყოფილებაში, გთხოვთ, მოახდინოთ ინფორმირება ამის შესახებ ფარმაკოზედამხედველობის ეროვნული სისტემის შესაბამისად.

მოცემული კომბინაციის გამოყენების გამოცდილებამ, არ გამოავლინა მტკიცებულებები, რომლებიც შეზღუდავდა პრეპარატ ტოქსივენოლის გამოყენებას.

პრეპარატი შეიცვას 28,3 მგ (1,23 მმოლ) ნატრიუმს 9 მლ-ში (მაქსიმალური სადღეღამისო დოზა), რაც მხედველობაში უნდა იქნას მიღებული პაციენტებში თირკმლების დაქვეითებული ფუნქციით და ნატრიუმის შემზღუდველ დიეტაზე მყოფ პაციენტებში.

შეუთავსებლობა

პრეპარატის შეუთავსებელია ასკორბინის მჟავასთან.

პრეპარატი არ მოქმედებს ავტოტრანსპორტის და მექანიზმების მართვის უნარზე.

ორსულობის დროს პრეპარატის გამოყენების უსაფრთხოება დადგენილი არ არის. პრეპარატი არ უნდა იქნას გამოყენებული ორსულობის დროს და ლაქტაციის პერიოდში, ვინაიდან გამორიცხული არ არის მავნე ზემოქმედება ნაყოფსა და ძუძუთი კვებაზე მყოფ ბავშვზე.

არ არის ცნობილი ამ კომბინაციის ურთიერთქმედების შესახებ სხვა სამკურნალო საშუალებებთან.

არ ყოფილა შეტყობინებები პრეპარატის ჭარბი დოზირების შემთხვევების შესახებ.

საინექციო ხსნარის 3 მლ ყვითელი ფერის მინის ამპულებში.

5 ამპულა კონტურულ უჯრედოვან შეფუთვაში.

2 კონტურული უჯრედოვანი შეფუთვა სამედიცინო გამოყენების ინსტრუქციასთან ერთად მუყაოს კოლოფში.

ინახება არაუმეტეს 25° C ტემპერატურაზე.

ინახება ბავშვებისთვის მიუწვდომელ ადგილას!