ნორმეგი

შემადგენლობა

შემოგარსული ტაბლეტები: შეფუთვაში 50 ც.
1 ტაბ.
ლევეტირაცეტამი.. . . . . . . . . . . . 250 მგ
1 ტაბ.
ლევეტირაცეტამი.. . . . . . . . . . . . 500 მგ
1 ტაბ.
ლევეტირაცეტამი.. . . . . . . . . . . . 1000 მგ
დამხმარე ნივთიერებები: პოვიდონი 30, კროსკარმელოზის ნატრიუმის მარილი, კოლოიდური უწყლო სილიციუმის ოქსიდი, ნატრიუმის სტეარატ-ფუმარატი.
გარსი: ჰიპრომელოზა 2910/5, მაკროგოლ 6 000, ტალკი, ტიტანის ოქსიდი (E171), სიმეტიკონის ემულსია (გასუფთავებული წყალი 67.4%, სიმეტიკონი 30%, მეთილცელულოზა 2.5%, სორბინმჟავა 0,1%); ნორმეგი 250 მგ-ინდიგოკარმინის თიხოვანი ლაქი (E132); ნორმეგი 500 მგ- რკინის ყვითელი ოქსიდი (E172).

მოქმედების მექანიზმით განსხვავდება სხვა ანტიეპილეფსიური პრეპარატებისაგან:
მოქმედებს ინტრანეირონულ Ca2+ იონების კონცენტრაციაზე, ნაწილობრივ ამუხრუჭებს Ca2+ ნაკადს N-ტიპის არხებში და აქვეითებს კალციუმის გამონთავისუფლებას ინტრანეირონული დეპოდან. გარდა ამისა, ლევეტირაცეტამი ნაწილობრივ აღადგენს ნაკადებს GABA- და გლიცინ-დამოკიდებულ არხებში, რომლებიც მცირდება ცინკის და β-კარბოლინების მოქმედებით. არ ცვლის ნორმულ ნეიროტრანსმისიას, თუმცა თრგუნავს ეპილეპტიფორმულ ნეირონულ აქტივობას. პრეპარატის აქტიურობა დამტკიცებულია, როგორც ფოკალური, ასევე გენერალიზებული ეპილეფსიური გულყრების მიმართ.
სწრაფად შეიწოვება კუჭ-ნაწლავის ტრაქტიდან. ახასიათებს სრული აბსორბცია. არ არის დამოკიდებული საკვების მიღებაზე. ბიოშეღწევადობა – 100%. მაქსიმალურ კონცენტრაციას სისხლის პლაზმაში აღწევს 1.3 საათში. გამოიყოფა თირკმელებით

მონოთერაპიის სახით 16 წელზე მეტი ასაკის მოზარდებში ახლად დიაგნოსტირებული ეპილეფსიის და მოზრდილებში მეორადად გენერალიზებული ან მათ გარეშე პარციალური გულყრების სამკურნალოდ.
კომლექსური თერაპიის შემადგენლობაში:

• მეორადად გენერალიზებული ან მათ გარეშე პარციალური გულყრების სამკურნალოდ მოზრდილებში და ბავშვებში ეპილეფსიით 4 წლის ასაკის შემდეგ;
• მიოკლონური ეპილეფსიის სამკურნალოდ მოზრდილებში და 12 წლის ასაკის შემდეგ მოზარდებში იუვენილური მიოკლონური ეპილეფსიით;
• პირველადად გენერალიზებული (ტონურ-კლონური) კრუნჩხვების სამკურნალოდ მოზრდილებში და 12 წლის ასაკის შემდეგ მოზარდებში იდიოპათიური გენერალიზებული ეპილეფსიით.

სადღეღამისო დოზა იყოფა 2 თანაბარ მიღებაზე, საკმარისი რაოდენობის სითხით (მაგ.: ჭიქა წყლით). არ არის დაკავშირებული საკვების მიღებასთან.
მონოთერაპია
მოზრდილებს და 16 წლის ასაკის შემდეგ მოზარდებს: საწყისი დოზაა 500 მგ, გაყოფილი 2 მიღებაზე (250 მგ 2-ჯერ დღე-ღამეში). 2 კვირის შემდეგ შესაძლებელია დოზის გაზრდა საწყის თერაპიულ დოზამდე 1 გ (500 მგ 2-ჯერ დღე-ღამეში). მაქსიმალური სადღეღამისო დოზაა 3 გ (1.5 გ 2-ჯერ დღე-ღამეში).
კომლექსური თერაპიის შემადგენლობაში
მოზრდილებს და 12-17 წლის ასაკის მოზარდებს 50 კგ და მეტი წონით: სადღეღამისო დოზაა 1.0 გ - 3.0 გ.
აუცილებელებელია დოზის კორეგირება ხანში შესულ და თირკმლის უკმარისობის მქონე პაციენტებში.

ძალიან ხშირი: ძილიანობა, ასთენიური სინდრომი.
ხშირი: ამნეზია, ატაქსია, კრუნჩხვა, თავბრუსხვევა, თავის ტკივილი, ჰიპერკინეზია, ტრემორი, წონასწორობის დარღვევა, ყურადღების კონცენტრაციის და მეხსიერების დაქვეითება, აგზნებადობა, დეპრესია, ემოციური ლაბილურობა; ხასიათის ცვალებადობა, აგრესიულობა, უძილობა, ნევროზულობა, გაღიზიანებადობა, პიროვნების და აზროვნების მოშლა, ცალკეულ შემთხვევებში: შფოთვა, მღელვარება, პარესთეზიები, ჰალუცინაციები, სუიციდის მცდელობა; დიპლოპია, აკომოდაციის დარღვევა; მუცლის ტკივილი, გულისრევა, დისპეპსია (საჭმლის მონელების გაძნელება), ფაღარათი, ღებინება, გამონაყარი, ეკზემა, ქავილი, მიალგია (კუნთების ტკივილი), შემთხვევითი ტრავმები, ალოპეცია., ლეუკოპენია, ნეუტროპენია.

მომატებული მგრძნობელობა ლევეტირაცეტამის, პიროლიდონის სხვა წარმოებულების და პრეპარატის სხვა კომპონენტების მიმართ; ფრუქტოზის მიმართ ტოლერანტობის დარღვევა; ბავშვები 4 წლამდე ასაკის; ორსულობა, ლაქტაციის პერიოდი.
სიფრთხილით ინიშნება: ღვიძლის დაავადებების, თირკმლის უკმარისობის, ასევე ხანში შესულ პაციენტებში.

ორმეგის გამოყენების დროს ავტოტრანსპორტისა და მექანიზმების მართვა არ არის რეკომენდებული.

პრეპარატი ინახება არა უმეტეს 25oC ტემპერატურაზე, ბავშვებისათვის მიუწვდომელ ადგილას.