კოგნივერი

კოგნივერის თითოეული ტაბლეტი შეიცავს აქტიური ნივთიერების - მეთილეთილპირიდინოლის სუქცინატის 125 მგ-ს;

დამხმარე ნივთიერებები: ლაქტოზის მონოჰიდრატი, მეთილცელულოზა, პოვიდონი K25, კალციუმის სტეარატი, სილიციუმის დიოქსიდი კოლოიდური უწყლო, ნატრიუმის კროსკარმელოზა, კარტოფილის სახამებელი, ოპადრაი II ფერადი (პარტია 85F), თეთრი.

ოპადრაი II ფერადი (პარტია 85F), თეთრის შემადგენლობა: პოლივინილის სპირტი, ნაწილობრივ ჰიდროლიზებული; მაკროგოლი/პოლიეთილენგლიკოლი; ტალკი და ტიტანის დიოქსიდი.

მოქმედების მექანიზმი

ფარმაკოთერაპიული ჯგუფი - სხვა სამკურნალწამლო საშუალებები, რომლებიც გამოიყენება ნერვული სისტემის დაავადებების სამკურნალოდ.

ATC კოდი: N07XX.

ახასიათებს ანტიოქსიდანტური, ანტიჰიპოქსიური, მემბრანოპროტექტორული, ნოოტროპული, ანქსიოლიზური, კრუნჩხვის საწინააღმდეგო მოქმედება. ზრდის ორგანიზმის მდგრადობას სტრესის, ძირითადი დამაზიანებელი ფაქტორების ზემოქმედების და ჟანგბადდამოკიდებული პათოლოგიური მდგომარეობების მიმართ (შოკი, ჰიპოქსია, იშემია, ტვინის სისხლის მიმოქცევის დარღვევა, ინტოქსიკაცია ალკოჰოლით და ანტიფსიქოზური პრეპარატებით).

ახასიათებს ზომიერი ჰიპოლიპიდემიური მოქმედება. ხელს უწყობს სისხლის უჯრედების მემბრანების სტრუქტურის სტაბილურობას, ზრდის თრომბოციტების და ლეიკოციტების მდგრადობას ჰემოლიზის დროს, ახდენს ნერვული ქსოვილის უჯრედული მემბრანების ფიზიკურ-ქიმიური თვისებების ჰიპოქსიით გამოწვეული ცვლილებების ნიველირებას (ამცირებს ლიპიდური შრის სიბლანტეს, ზრდის მემბრანის გამტარობას და ლიპიდურ-ცილოვან თანაფარდობას), რაც დადებითად აისახება მის მეტაბოლურ და ბიოსინთეზურ აქტივობაზე.

აინჰიბირებს ლიპიდების ზეჟანგურ ჟანგვას, ზრდის სუპეროქსიდდისმუტაზის აქტივობას, უჯრედში ცამფ და ცგმფ-ის შემცველობას, ხელს უწყობს მემბრანო-დამოკიდებული ფერმენტების (კალციუმ-დამოუკიდებელი ფოსფოდიესთერაზა, ადენილატციკლაზა, აცეტილქოლინესთერაზა) და რეცეპტორული კომპლექსების (ბენზოდიაზეპინების, გაემ-ის, აცეტილქოლინის) აქტივობის მოდულაციას, რაც ზრდის მათ რეცეპტორებთან შეკავშირების უნარს და აუმჯობესებს ნეირომედიატორების ტრანსპორტირებას და სინაფსურ გადაცემას. ზრდის თავის ტვინში დოფამინის შემცველობას. ზრდის აერობული გლიკოლიზის კომპენსატორულ აქტივაციას, ხელს უწყობს ჰიპოქსიის დროს მიტოქონდრიების ჟანგვა-აღდგენითი პროცესების აღდგენას, ზრდის ატფ-ის და კრეატინინფოსფატაზას სინთეზს. მწვავე პანკრეატიტის დროს ამცირებს ფერმენტულ ტოქსემიასა და ენდოგენურ ინტოქსიკაციას.

აუმჯობესებს მეხსიერებას და შრომის უნარიანობას. ახასიათებს ანქსიოლიზური მოქმედება, ამცირებს შფოთვას, შიშის შეგრძნებას, დაძაბულობას, მოუსვენრობას, აუმჯობესებს ემოციურ სტატუსს.

სწრაფად შეიწოვება კუჭ-ნაწლავის ტრაქტიდან (ნახევარგამყოფის პერიოდი შეადგენს 0,08-0,1 სთ-ს). პრეპარატის მაქსიმალური კონცენტრაცია სისხლის პლაზამში აღინიშნება 0,46-0,5 სთ-ის შემდეგ და შეადგენს 50-100 ნგ/მლ. სწრაფად გადანაწილდება ორგანიზმის ქსოვილებში. პლაზმის ცილებს უკავშირდება 42%. მეტაბოლიზდება ღვიძლში, რომელთაგან ფარმაკოლოგიურ აქტივობას ინარჩუნებს გლუკურონკონიუგირებული მეტაბოლიტები. ნახევარგამოყოფის პერიოდი შეადგენს 2,0-2,6 საათს. მეტაბოლიტები ინტენსიურად ექსკრეგირდებიან პრეპარატის მიღებიდან პირველი 4 სთ-ის განმავლობაში. პრეპარატის შეუცვლელი სახისა და მისი კონიუგირებული მეტაბოლიტების შარდის გზით ექსკრეციის მაჩვენებლებს მნიშვნელოვანი ინდივიდუალური ვარიაბელობა ახასიათებთ.

პრეპარატი ინიშნება კომპლექსური თერაპიის შემადგენლობაში შემდეგ შემთხვევებში:

• ტვინის სისხლის მიმოქცევის მწვავე დარღვევების შემდგომი მდგომარეობები, მათ შორის, ტრანზიტორული იშემიური შეტევის შემდეგ, სუბკომპენსაციის ფაზაში პროფილაქტიკური კურსების სახით;
• სხვადასხვა გენეზის ენცეფალოპათიები (დისცირკულაციური, დისმეტაბოლური, პოსტტრავმული, შერეული ტიპის);
• ქალა-ტვინის მსუბუქი ტრავმა, ქალა-ტვინის ტრავმის შედეგები;
• მსუბუქი კოგნიტიური აშლილობები თავის ტვინის სისხლძარღვების ათეროსკლეროზური დაზიანების ფონზე;
• მდგომარეობები ანტიფსიქოზური საშუალებებით მწვავე ინტოქსიკაციის შემდეგ;
• შფოთვითი აშლილობები ნევროზული მდგომარეობების დროს;
• აბსტინენტური სინდრომი ალკოჰოლიზმის დროს.

• ღვიძლის და/ან თირკმლების ფუნქციის მწვავე დარღვევები;
• მომატებული მგრძნობელობა სამკურნალო საშუალების მიმართ;
• ბავშვთა ასაკი 18 წლამდე;
• ორსულობა, ლაქტაცია.

უსაფრთხოების ზომები

პაციენტებს არტერიული წნევით 180/100 მმ ვწყ.სვ-ზე ზემოთ, არტერიული ჰიპერტენზიის კრიზული მიმდინარეობით ესაჭიროებათ არტერიული ჰიპერტენზიის წინასწარი კორექცია და სედატიური თერაპია, ასევე არტერიული წნევის კონტროლი თერაპიის ჩატარების დროს.

ლაქტოზის შემცველობის გამო, პრეპარატი სიფრთხილით ინიშნება პაციენტებში გალაქტოზის იშვიათი თანდაყოლილი აუტანლობით, Lapp ლაქტაზის დეფიციტით ან გლუკოზა-გალაქტოზის მალაბსორბციით.

გამოყენება ბავშვებში

18 წლამდე ბავშვებისთვის პრეპარატი უკუნაჩვენებია.

პრეპარატის გამოყენება ორსულობისა და ლაქტაციის პერიოდში უკუნაჩვენებია. თუ თქვენ ორსულად ხართ ან ძუძუს აჭმევთ, თუ ვარაუდობთ, რომ ორსულად ხართ ან არ გამორიცხავთ ორსულობის დადგომის ალბათობას, აცნობეთ ამის შესახებ თქვენს მკურნალ ექიმს.

სიმპტომები: ძილის დარღვევები (უძილობა, ზოგიერთ შემთხვევებში ძილიანობა).

მკურნალობა: როგორც წესი, არ მოითხოვება, რადგანაც სიმპტომები ქრება დამოუკიდებლად, დღე-ღამის განმავლობაში. მძიმე შემთხვევებში უძილობისას ინიშნება ნიტრაზეპამი 10 მგ, ოქსაზეპამი 10 მგ ან დიაზეპამი 5 მგ.

ავტომობილისა და სხვა მექანიკური საშუალებების მართვაზე გავლენა

შესაძლებელია მოხდეს გვერდითი ეფექტების გამოვლინება. აქედან გამომდინარე, სიფრთხილეა საჭირო ავტოტრანსპორტის ან სხვა მექანიზმების მართვისას, რომლებიც ყურადღების მომატებულ კონცენტრაციას და ფსიქომოტორული რეაქციების სისწრაფეს მოითხოვს.

აუმჯობესებს ბენზოდიაზეპინის ანქსიოლიტიკების, ეპილეფსიის საწინააღმდეგო (კარბამაზეპინი), პარკინსონის საწინააღმდეგო (ლევოდოპა) სამკურნალწამლო საშუალებების მოქმედებას. ამცირებს ეთანოლის ტოქსიკურ ეფექტებს.

თუ ამჟამად იღებთ ან ახლო წარსულში იღებდით სხვა სამკურნალწამლო საშუალებებს, აცნობეთ ამის შესახებ ექიმს.

პრეპარატი ინიშნება პერორალურად, შიგნით მისაღებად 250-500 მგ/დღე-ღამეში 2-3-ჯერ; მაქსიმალური სადღეღამისო დოზა - 600-800 მგ. მკურნალობის ხანგრძლივობა შეადგენს 2-6 კვირას; ალკოჰოლური აბსტინენციის კუპირებისთვის - 5-7 დღეს.

დოზირების რეჟიმი ინდივიდუალურია, დაავადების სიმძიმის ხარისხის მიხედვით. მკურნალობის შეწყვეტა ხდება თანდათანობით, 2-3 დღის განმავლობაში დოზის შემცირებით.

თუ დაგავიწყდათ კოგნივერის მიღება, მიიღეთ ტაბლეტი რაც შეიძლება სწრაფად, სანამ არ დადგა მომდევნო დოზის მიღების დრო. თუ დადგა პრეპარატის მომდევნო დოზის მიღების დრო, ნუ მიიღებთ გამოტოვებულ დოზას. დაუშვებელია სამკურნალო საშუალების დოზირების გაორმაგება გამოტოვებულის კომპენსაციის მიზნით! შემდგომში პრეპარატი გამოიყენება დოზირების რეკომენდებული რეჟიმის შესაბამისად.

არ შეწყვიტოთ კოგნივერის მიღება მკურნალ ექიმთან წინასწარი კონსულტაციის გარეშე!

გულისრევა, პირის სიმშრალე, დიარეა, ძილიანობა, ალერგიული რეაქციები; ხანგრძლივი გამოყენებისას - გულისრევა, მეტეორიზმი; ძილის დარღვევები (ძილიანობა ან ჩაძინების დარღვევა).

ზემოთ ჩამოთვლილი გვერდითი ეფექტების ან იმ გვერდითი ეფექტების გამოვლინების შემთხვევაში, რომლებიც არ არის მითითებული პრეპარატის ინსტრუქციაში, აუცილებელია მიმართოთ ექიმს.

პრეპარატის ვარგისობის ვადა - 3 წელი. ნუ გამოიყენებთ შეფუთვაზე მითითებული ვარგისიანობის ვადის ამოწურვის შემდეგ.

შეინახეთ არა უმეტეს 250C ტემპერატურაზე, მშრალ, სინათლისაგან დაცულ ადგილას. შეინახეთ ბავშვებისთვის ხელმიუწვდომელ ადგილას.

გარსით დაფარული ტაბლეტები 125 მგ; 30 ტაბლეტი ბლისტერებში, მეორადი შეფუთვა: გამოყენების ინსტრუქციასთან ერთად მუყაოს კოლოფში.

ფარმაცევტული პროდუქტის ჯგუფი III, გაიცემა რეცეპტის გარეშე.