ურო-ვაქსუმ

შემადგენლობა

1 კაფსულის შემადგენლობა:
აქტიური ნივთიერება: ბაქტერია Escherichia coli-ს ლიოფილიზირებული ლიზატი - 6 მგ.
დამხმარე ნივთიერება: პროპილგალატი (უწყლო) - 0,084 მგ; ნატრიუმის გლუტამატი (უწყლო) - 3,03 მგ; მანიტოლი 60,00მგ-მდე; პრეჟელატინიზირებული სახამებელი - 77,00მგ; ნატრიუმის სტეარატი - 3,00 მგ; მანიტოლი - აუცილებელი რაოდენობა 200,00 მგ-მდე; კაფსულის გარსის დამხმარე ნივთიერებები: რკინის ოქსიდი წითელი (E172) - 0,01 მგ; რკინის ოქსიდი ყვითელი (E172)- 0,21მგ; ტიტანის დიოქსიდი (E171)-0,87მგ (საღებავი); ჟელატინი 50,00მგ-მდე.

აღწერა
მკვრივი ჟელატინის კაფსულები ზომით #3, არაგამჭვირვალე ნარინჯისფერი სახურავი, ყვითელი ფერის კორპუსი არაგამჭვირვალე. კაფსულის შემადგენლობა - ღია მოყვითალოდან ღია ყავისფერამდე ფერის ფხვნილი.

იმუნობიოლოგიური მოქმედება
ურო-ვაქსომს გააჩნია შემდეგი მოქმედებები:

• ახდენს T- ლიმფოციტების სტიმულირებას.
• ახდენს ენდოგენური ინტერფერონის წარმოქმენის ინდუცირებას.
• ზრდის A იმუნოგლუბინის (lgA) Semadgenlobas, მათ შორის შარდში.

ურო-ვაქსომი ამცირებს საშარდე ტრაქტის ინფექციების რეციდივების სიხშირეს, განსაკუთრების ცისტიტების.

კომბინირებული მკურნალობა და პროფილაქტიკა საშარდე გზების ქრონიკული ინფექციებისას, განსაკუთრებით ცისტიტის, მიკროორგანიზმის წარმოშობის მიუხედავად, ანტიბიოტიკებთან ან ანტისეპტიურებთან კომბინაციაში უფროსებში და 4 წლის ასაკიდან ბავშვებში.

მკურნალობა: 1 კაფსულა ყოველდღე, დილით უზმოზე, დამატებითი სამკურნალო საშუალების სახით ჩვეულებრივი ანტიმიკრობული თერაპიის ჩატარებისას სიმპტომების გაქრობამდე, მაგრამ არანაკლებ 10 დღისა. მკურნალობის მაქსიმალური ვადა - 3 თვე. საშარდე ტრაქტის ქრონიკული ინფექციების რეციდივების პროფილაქტიკა: 1 კაფსულა ყოველდღე, დილით უზმოზე, 3 თვის განმავლობაში. იმ შემთხვევაში თუ ბავშვს უძნელდება კაფსულის გადაყლაპვა, ის უნდა გაიხსნას და კაფსულის შემადგენლობა უნდა შეერიოს სასმელს (ხილის წვენს, რძეს და სხვ.).
ხანგრძლივი მკურნალობა ან განმეორებითი კურსის დანიშვნა უნდა განისაზღვროს ექიმის მიერ პაციენტის ჯანმრთელობის მდგომარეობიდან გამომდინარე.

კლინიკურ კვლევებში არასასურველი მოვლენების საერთო სიხშირე შეადგენდა დაახლოებით 4%-ს.
ქვემოთ ცხრილში მოცემულია დარეგისტრირებული გვერდითი ეფექტები მათი გამოვლენის სიხშირის მიხედვით:

| ხშირი (1 დან 10%-მდე) | არახშირი (0,1-დან 1%-მდე)

დარღვევები კუჭ-ნაწლავის ტრაქტის მხრივ | დიარეა, ღებინება, დისპეფსია, მათ შორის დისკომფორტის შეგრძნება ეპიგასტრალურ არეში | მუცლის ტკივილი

დარღვევები ნერვული სისტემის მხრივ | თავის ტკივილი

საერთო ხასიათის დარღვევები | | ცხელება

დარღვევები კანისა და კანქვეშა ქსოვილის მხრივ | | ალერგიული რეაქციები: გამონაყარი, ქავილი, გამოხატული ეგზანთემა

რეგისტრირებულია სერიოზული ნეგატიური მოვლენების ერთეული შემთხვევები, როგორიცაა პირის ღრუს შეშუპება და პერიფერიული შეშუპებები, ასევე ალოპეციის განვითარება. კანის რეაქციების, ცხელების (იზოლირებული ან აუხსნელი ცხელება (38 oC მაღლა), რომელიც ვლინდება მკრუნალობის დასაწყისში) ან შეშუპების გამოვლენისას მკურნალობა უნდა შეწყდეს, რადგან აღნიშნული სიმპტომები შესაძლოა იყოს ალერგიული რეაქციის ნიშნები.

მომატებული მგრძნობელობა პრეპარატის კომპონენტების მიმართ.

კლინიკური კვლევები ორსულ ქალებში არ ჩატარებულა. ცხოველებზე ჩატარებულმა კვლევებმა არ გამოავლინეს უარყოფითი მოქმედება ორსულობის განვითარებაზე, ემბრიონის, ნაყოფის და/ან პოსტნატალურ განვითარებაზე. ლაქტაციასთან დაკავშირებით სპეციალური კვლევები არ ჩატარებულა და მონაცემები აღნიშნულ საკითხთან დაკავშირებით ამ დრომდე არ მოიპოვება.

უსაფრთხოების ზომები პრეპარატის გამოყენებისას
პრეპარატის გამოყენება არ საჭიროებს განსაკუთრებული უსაფრთხოების ზომების დაცვას.

ზეგავლენა სატრანსპორტო საშუალებების და მექანიზმების მართვის უნარზე
ურო-ვაქსომი არ ახდენს ზეგავლენას სატრანსპორტო საშუალებების და მექანიზმების მართვის უნარზე.

მონაცემები დოზის გადაჭარბების შესახებ არ მოიპოვება. პრეპარატი ურო-ვაქსომის ბუნება და მისი ტოქსიურობის შესწავლის შედეგები მიუთითებენ იმაზე, რომ დოზის გადაჭარბება ნაკლებად სავარაუდოა.

ურთიერთქმედება სხვა სამკურნალო საშუალებებთან ამ დრომდე არ დადგენილა. უსაფრთხოების მიზნით არ უნდა მიიღოთ პრეპარატი ცოცხალი ვაქცინების შიგნით მიღებამდე 2 კვირით ადრე და მათი მიღებიდან ორი კვირის შემდეგ. იმუნოდეპრესიულმა პრეპარატებმა შესაძლოა ზემოქმედება მოახდინონ პრეპარატის მოქმედებაზე.

ვარგისიანობის ვადა 5 წელი.
არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.
ინახება 15-დან 25oC ტემპერატურაზე.
შეინახეთ ბავშვებისაგან მიუწვდომელ ადგილას.

გაიცემა ექიმის რეცეპტით.