მონოგრაფია Nº 03735 ურეცეპტო
კორვალოლი
Corvalol
(20მგ + 18,26მგ + 1,42მგ)/მლ 25მლ შიგნით მისაღები წვეთები, ფლაკონი №1
დან1.47 ₾ 4 აფთიაქში, ნახე ფასები →
- მოქმედი ნივთიერება
- Phenobarbital Α-bromisovaleric acid ethyl ester,
- მწარმოებელი
- Usolye-Sibirskiy Khimfarmzavod
- ფარმაკოლოგიური ჯგუფი
- ბარბიტურატის მჟავას ნაწარმები
- იმპორტიორი საქართველოში
- სმარტფარმი
- გაცემის წესი
- III ჯგუფი ურეცეპტოდ
ფასები აფთიაქებში
განახლდა 05.11.2026 04:34
25მლ
-
GPC ყველაზე იაფი
კორვალოლი წვეთები ორალური 25მლ ფლაკონი #1
ყიდვა ↗1.95 ₾
-
GPC ყველაზე იაფი
კორვალოლი წვეთები ორალური 25მლ ფლაკონი #1
ყიდვა ↗1.95 ₾
-
ფარმადეპო ყველაზე იაფი
კორვალოლი წვეთები ორალური 25მლ ფლაკონი #1
ყიდვა ↗1.95 ₾
-
ფარმადეპო ყველაზე იაფი
კორვალოლი წვეთები ორალური 25მლ ფლაკონი #1
ყიდვა ↗1.95 ₾
-
GPC
კორვალოლი-დარნიცა წვეთები ორალური 25მლ ფლაკონი #1
ყიდვა ↗2.65 ₾
-
ფარმადეპო
კორვალოლი-დარნიცა წვეთები ორალური 25მლ ფლაკონი #1
ყიდვა ↗2.65 ₾
25მლ · 25მლ
-
PSP ყველაზე იაფი
კორვალოლი - Corvalol 25მლ ფლაკონი
ყიდვა ↗1.47 ₾
-
PSP
კორვალოლი - Corvalol 25მლ.
ყიდვა ↗2.10 ₾
-
ავერსი
კორვალოლი 25მლ #1ფლ (კიევი)
ყიდვა ↗2.10 ₾
ფასები აღებულია აფთიაქების საიტებიდან და შეიძლება განსხვავდებოდეს ფილიალში არსებული ფასისგან.
ინსტრუქცია
შემადგენლობა
100 მლ ხსნარი შეიცავს:
აქტიური ნივთიერებები:
ეთილბრომიზოვალერიანატი (ალფა-ბრომიზოვალერიანის მჟავას ეთილის ეთერი) - 2.0 გ
ფენობარბიტალი - 1.826 გ
პიტნის ფოთლების ზეთი (პიტნის ზეთი) - 0,142 გ
დამხმარე ნივთიერებები:
ეთილის სპირტი (ეთანოლი) 95% - 58,0 მლ
ნატრიუმის ჰიდროქსიდი - 0,315 გ
გამოხდილი წყალი 100.0 მლ-მდე
ზოგადი დახასიათება
გამჭვირვალე უფერო სითხე, სპეციფიკური არომატული სუნით
ფარმაკოლოგიური ჯგუფი
სედაციური
ATX კოდი: N05СМ
ფარმაკოლოგიური თვისებები
კომბინირებული პრეპარატი, რომლის მოქმედება განპირობებულია მისი შემადგენელი ნივთიერებების თვისებებით. გააჩნია სედაციური და სპაზმოლიზური მოქმედება. ხელს უწყობს ბუნებრივი ძილის დადგომას.
ალფა-ბრომიზოვალერიანის მჟავას ეთილის ეთერს გააჩნია დამამშვიდებელი (ვალერიანის ეფექტის მსგავსი) და სპაზმოლიზური მოქმედება, რაც განპირობებულია უპირატესად პირის ღრუსა და ცხვირ-ხახის რეცეპტორების აგზნებადობით, ნერვული სისტემის ცენტრალურ უბნებში რეფლექტორული აგზნებადობის დაქვეითებით და თავის ტვინის ქერქის და ქერქქვეშა ნეირონებში შეკავების პროცესების გაძლიერებით, ასევე - ცენტრალური სისხლძარღვოვანი ცენტრების აქტივობის დაქვეითებით და სისხლძარღვების გლუვ კუნთებზე პირდაპირი ადგილობრივი სპაზმოლიზური მოქმედებით.
ფენობარბიტალი აძლიერებს სხვა კომპონენტების სედატიურ ეფექტს, ხელს უწყობს ცენტრალური ნერვული სისტემის აგზნების შემცირებას და ძილის დადგომას.
პიტნის ზეთს გააჩნია რეფლექსური ვაზოდილატაციური, სპაზმოლიზური, მსუბუქი ქოლეტური, ანტისეპტიკური მოქმედება. მოქმედების მექანიზმი უკავშირდება პირის ღრუს ლორწოვანი გარსის "სიცივის" რეცეპტორების აგზნებასა და უპირატესად გულისა და თავის ტვინის სისხლძარღვების რეფლექსურად გაფართოების უნარს. გამორიცხავს მეტეორიზმის ფენომენს კუჭ-ნაწლავის ტრაქტის ლორწოვანი გარსის რეცეპტორების აგზნების გამო, აძლიერებს ნაწლავის პერისტალტიკას.
ჩვენებები
გულ-სისხლძარღვთა სისტემის ფუნქციური დარღვევების სიმპტომური საშუალება (დამამშვიდებელი და ვაზოდილატატორი), ნევროზის მსგავსი მდგომარეობა, რომელსაც თან ახლავს მომატებული გაღიზიანება, ძილის დარღვევები, ტაქიკარდია, შფოთვის მდგომარეობა გამოხატული ვეგეტატიური გამოვლინებებით;
გამოიყენება როგორც სპაზმოლიზური საშუალება - ნაწლავების სპაზმების დროს.
მიღების მეთოდი და დოზირება
შიგნით მისაღებად, ჭამის წინ, წინასწარ გახსნილი მცირე რაოდენობით (30-50 მლ) წყალში. დოზა და გამოყენების ხანგრძლივობა განისაზღვრება ექიმის მიერ ინდივიდუალურად.
მოზრდილებში ერთჯერადი დოზაა 30 წვეთი, საჭიროების შემთხვევაში (მაგალითად, მძიმე ტაქიკარდიისას), ერთჯერადი დოზა შეიძლება მაქსიმალურად გაიზარდოს 40-50 წვეთამდე. მოზრდილებში მიღების სიხშირე დღეში 2-3-ჯერ.
ბავშვებში 3 წლის ასაკიდან გამოიყენება 1 წვეთი 1 წელზე, დღეში ერთჯერადად.
განმეორებითი დოზის საჭიროებას განსაზღვრავს ექიმი, დაავადების კლინიკური სურათის გათვალისწინებით.
გვერდითი მოვლენები
ძილიანობა, თავბრუსხვევა, გულისცემის შენელება, კონცენტრაციის უნარის დაქვეითება, ალერგიული რეაქციები. ხანგრძლივი გამოყენებისას - ბრომიზმის მოვლენები, მიჩვევა, მედიკამენტოზური დამოკიდებულება, ”მოხსნის” სინდრომი.
უკუჩვენებები
ჰიპერმგრძნობელობა პრეპარატის კომპონენტების მიმართ; თირკმელებისა და ღვიძლის ფუნქციის მწვავე დაქვეითება, ძუძუთი კვების პერიოდი, ორსულობა, 3 წლამდე ასაკის ბავშვები, ალკოჰოლიზმი, თავის ტვინის ტრავმა, ტვინის დაავადებები.
სიფრთხილით
3 წელზე მეტი ასაკის ბავშვებში, ღვიძლისა და თირკმელების ფუნქციის დარღვევის დროს.
ურთიერთქმედება სხვა მედიკამენტებთან
ცენტრალური ნერვული სისტემის დამთრგუნველი მედიკამენტები აძლიერებენ კორვალოლის ეფექტს.
ფენობარბიტალს (მიკროსომული დაჟანგვის ინდუქტორი) შეუძლია შეამციროს იმ მედიკამენტების ეფექტურობა, რომლებიც მეტაბოლიზმს განიცდიან ღვიძლში (მათ შორის კუმარინის წარმოებულები, გრიზეოფულვინი, გლუკოკორტიკოსტეროიდები, პერორალური კონტრაცეპტივები); აძლიერებს ადგილობრივი საანესთეზიო, ტკივილგამაყუჩებელი და საძილე საშუალებების ეფექტს.
განსაკუთრებული მითითებები
პრეპარატის 1 წვეთი შეიცავს 0.009 აბსოლუტურ ეთილის სპირტს.
პრეპარატის მაქსიმალური ერთჯერადი დოზა (50 წვეთი) შეიცავს 0,46 გ აბსოლუტურ ეთილის სპირტს, მაქსიმალური სადღეღამისო დოზა (150 წვეთი) შეიცავს 1,38 გ აბსოლუტურ ეთილის სპირტს.
პრეპარატი შეიცავს ეთანოლს (ალკოჰოლს) და ფენობარბიტალს, ამიტომ პაციენტებმა, რომლებიც იღებენ კორვალოლს, თავი უნდა შეიკავონ სატრანსპრტო საშუალებების მართვისგან და სხვა პოტენციურად საშიში საქმიანობისგან, რომლებიც საჭიროებენ ყურადღების მომატებულ კონცენტრაციას და ფსიქომოტორული რეაქციების სისწრაფეს.
ორსულობა და ლაქტაცია
ორსულობისა და ლაქტაციის პერიოდში პრეპარატის გამოყენების შესახებ კვლევები არ ჩატარებულა. ორსულობისა და ლაქტაციის პერიოდში პრეპარატის დანიშვნა უკუნაჩვენებია. ლაქტაციის პერიოდში პრეპარატის დანიშვნის აუცილებლობის შემთხვევაში, მკურნალობის პერიოდში საჭიროა ძუძუთი კვების შეწყვეტა.
ჭარბი დოზირება
სიმპტომები: ცენტრალური ნერვული სისტემის დათრგუნვა, ნისტაგმი, ატაქსია, არტერიული წნევის დაქვეითება, აგზნება, ბრომით ქრონიკული ინტოქსიკაცია (დეპრესია, აპათია, რინიტი, კონიუნქტივიტი, ჰემორაგიული დიათეზი, მოძრაობის კოორდინაციის დარღვევა).
მკურნალობა: სიმპტომური, ცენტრალური ნერვული სისტემის დათრგუნვით - კოფეინი, ნიკეტამიდი.
გამოშვების ფორმა და შეფუთვა
წვეთები პერორალური მიღებისათვის.
25 მლ ნარინჯისფერი მინის საწვეთურიან ფლაკონები, დალუქული წვეთოვანი საცობებით, სახურავებით.
საწვეთურიან ფლაკონზე დატანილია ეტიკეტი.
თითოეული, საწვეთურიანი ფლაკონი სამედიცინო გამოყენების ინსტრუქციასთან ერთად, მოთავსებულია მუყაოს კოლოფში.
შენახვის პირობები
არაუმეტეს 25 ° C ტემპერატურაზე.
შეინახეთ ბავშვებისთვის მიუწვდომელ ადგილზე.
ვარგისობის ვადა
4 წელი.
არ გამოიყენოთ ვარგისიანობის ვადის გასვლის შემდეგ.
გაცემის პირობები: ფარმაცევტული პროდუქტის ჯგუფი III, გაიცემა რეცეპტის გარეშე.
მსგავსი შემადგენლობით
შეიცავს ამ მედიკამენტის ერთ ან რამდენიმე მოქმედ ნივთიერებას.
! ინფორმაცია საცნობაროა და არ ცვლის ექიმის კონსულტაციას. მედიკამენტის მიღებამდე გაეცანით შეფუთვაში მოთავსებულ ოფიციალურ ინსტრუქციას.