მონოგრაფია Nº 00153 ურეცეპტო
ამიაკის ხსნარი 10%
Ammonia solution
10% ხსნარი 10მლ ფლაკონი #1
დან1.90 ₾ 1 აფთიაქში, ნახე ფასები →
- მოქმედი ნივთიერება
- ammonium hydroxide (Ammonium hydroxide)
- მწარმოებელი
- ეუბიოტიკები, საქართველო
- ფარმაკოლოგიური ჯგუფი
- ანტისეპტიკური საშუალებები
- იმპორტიორი საქართველოში
- ეუბიოტიკები
- გაცემის წესი
- III ჯგუფი ურეცეპტოდ
ფასები აფთიაქებში
განახლდა 05.11.2026 04:34
-
PSP
ამიაკი 10% 40მლ ხსნარი
ყიდვა ↗1.90 ₾
ფასები აღებულია აფთიაქების საიტებიდან და შეიძლება განსხვავდებოდეს ფილიალში არსებული ფასისგან.
ინსტრუქცია
შემადგენლობა
შემადგენლობა
ამიაკი 10 მლ, გამოხდილი წყალი 100 მლ-მდე.
ფარმაკოლოგიური თვისებები
ამიაკის ხსნარის მოქმედება განპირობებულია მის ადგილობრივად გამაღიზიანებელ თვისებაზე: აღიზიანებს ზემო სასუნთქი გზების ნერვულ დაბოლოებებს, რაც იწვევს სისხლძარღვთა და სასუნთქი ცენტრის რეფლექტორულ სტიმულაციას, შესაბამისად სუნთქვის გაძლიერებას და არტერიალური წნევის აწევას. მაღალი კონცენტრაციით შეიძლება გამოიწვიოს სუნთქვის შეჩერება.
ამიაკის ხსნარისშიგნით მიღებისას აღიზიანებს კუჭის ლორწოვან გარსს და იწვევს ღებინებას. იწვეწს სასუნთქი გზების გააქტიურებას და ხელს უწყობს ამოხველებას. გამოირჩევა ძლიერი ანტისეპტიკური თვისებებით.
მწერების ნაკბენეზე იხმარება საფენების სახით.
ჩვენებები
იყენებენ, როგორც გადაუდებელ საშუალებას სასუნთქი ცენტრის აგზებისათვის და ავადმყოფთა გამოსაყვანად უგონო მდგომარეობიდან, რისთვისაც პრეპარატში დასველებული ბამბის ან დოლბანდის პატარა ნაჭერი მიაქვთ ცხვირის ნესტოებთან (0,5-1,0 წმ). მწერების ნაკბენისას გამოიყენება გარეგანი საფენის სახით. ქირურგიულ პრაქტიკაში იხმარება ხელების დასაბანად (25 მლ პრეპარატი 5 ლ თბილ ანადუღარ წყალში). ხასიათდება ანტიმიკრობული თვისებებით და კარგად ასუფთავებს კანს.
მიღების წესი და დოზირება
შიგნით მისაღებად ამოსაღებინებელი საშუალების სახით (5-10 წვეთი 100 მლ წყალში).
გვერდითი მოვლენები
განუზავებელი ხსნარის მიღება იწვევს საყლაპავისა და კუჭის დამწვრობას.
უკუჩვენებები
ამიაკის ხსნარის გამოყენება უკუნაჩვენებია დერმატიტების, ეგზემის და კანის სხვა დაავადებების დროს.
ორსულობა და ლაქტაცია
ორსულობისა და ლაქტაციის პერიოდში პრეპარატის გამოყენებაზე ინფორმაცია არ მოიპოვება.
განსაკუთრებული მითითებები
გავლენა ავტომობილების მძღოლებზე და პოტენციურად საშიშ მანქანა-დანადგარებთან მომუშავე პერსონალზე: არ არის გამოვლენილი.
გამოყენების თავისებურებები: არ არის გამოვლენილი.
ჭარბი დოზირება
მაღალი კონცენტრაციით შეიძლება გამოიწვიოს სუნთქვის შეჩერება.
ურთიერთქმედება სხვა მედიკამენტებთან
იწვევს მჟავების ნეიტრალიზებას.
შენახვის პირობები
შენახვის პირობები: გრილ ადგილას.
ვარგისიანობის ვადა: 2 წელი.
აფთიაქიდან გაცემის პირობები
ურეცეპტოდ.
! ინფორმაცია საცნობაროა და არ ცვლის ექიმის კონსულტაციას. მედიკამენტის მიღებამდე გაეცანით შეფუთვაში მოთავსებულ ოფიციალურ ინსტრუქციას.